Iñigo Vicens prestatzaile fisikoa izango da gaurko gonbidatua 'Gure Kasa'n

'Gure Kasa' saioaren gaurko atalak Iñigo Vicens prestatzaile fisikoa, influencer-a, aita harroa eta komunikatzaile bikaina izango dute gonbidatu.

Gorputza mugimenduan jarriko digu Nahiara Gagok. Telleria anaiek eta gure gonbidatuak ginkana mundiala gainditu beharko dute irabazi ahal izateko. Nerea Alias, ordea, Ondarroan izan da, Iñigo Vicensen herrian, bere gertuko lagun eta familiakoekin hitz egiten, eta gure gonbidatua bigundu egingo da berari buruz esan duten guztia ikusten duenean. Bestalde, Jon Garate kalean izan da kirol entrenamenduak proposatu eta egiteko asmoz.

Horrez gain, Aitor Frantsesena Zarauzko Lizardi Institutura joango da. Urritasun psikikoa duten gazteentzako gelak bisitatu, eta egiten dituzten lanak ikusi eta dastatuko ditu Marta Elviraren laguntzarekin. Amaitzeko, Iban Garcia youtuberrak Grease musikala dantzatuko du kalean.

'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.