Gure Kasa
21:30ean
Julian Iantzi aurkezlea izango da gaurko gonbidatua 'Gure Kasa' saioan
EITB
Astelehenean estreinatu zen 'El Conquistador del Pacífico' saioaren denboraldi berriaren ezaugarri guztiak azalduko dizkigu Iantzik, eta solaskideek hainbat sorpresa ekarriko dituzte saiora.
-
Julian Iantzi. Argazkia: EiTB
Julian Iantzi aurkezle eta komunikatzaile aparta izango da 'Gure Kasa' saioaren gaurko atalean. Lesakar honek esperientzia handia du abentura-saioetan, azken 20 urteotan iritsi baita telebista bidez gure etxeetaraino. Astelehenean estreinatu zuen 'El Conquistador del Pacífico', eta denboraldi berri honen nondik norakoak eta bere ibilbide luzea errepasatuko ditugu berarekin.
Horrez gain, Jon Garate kalera atera da Julian Iantziri buruz galdezka. Kaleko jendea aurkezleari buruz hitz egiten jarri du modu bitxi batean. Nerea Aliasek ere irudi bitxiak aurkitu ditu ETBko artxiboan, Julianen hasierako irudiak eta berari egin dizkioten imitazio onenak, besteak beste.
Bukatzeko, Iban Garcia Youtubeko live hack batzuk errepikatzen ahalegindu da, eta bizimodua erraztuko diguten hainbat proposamen xelebre ekarriko dizkigu.
'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.
