Gure Kasa
21:30ean
Loli Astoreka aktorea, gaur gauean, 'Gure Kasa' saioan
EITB
Gainera, Zinemaldiari buruz hitz egingo du Onintza Enbeitak, eta Iban Garcia Donostiara joango da, zinema munduko izar ezagunak ikusteko asmoarekin.
Gaur gauean, Loli Astoreka aktorea izango dute 'Gure Kasa' saioan gonbidatu. Bost hamarkada daramatza pertsonaia ezberdinak hezurmamitzen antzerkian, zineman eta telebistan. Agur Etxebeste! pelikula grabatzen eta antzezlan berri bat prestatzen ari da orain.
Nerea Aliasek Oroitzapenen kaxa ekarriko du berriz ere. Aurpegi oso ezagun batzuek Loli Astoreka agurtu eta aho zabalik utziko dute.
Bestalde, Iban Garcia Donostia Zinemaldian izan da asteburuan, bertako giroa eta izarrak ikusteko asmoarekin. Onintza Enbeitak ere Zinemaldiari buruz hitz egingo digu Ni On In tartearen atal berri batean.
Naiara Gagok jolas berriak prestatuko ditu, eta Jon Garate Hernaniko kaleetan izan da gonbidatuari buruz galdezka.
'Gure Kasa' gaur, 21:30ean, izango da ikusgai eitb.eus-en eta ETB1en.
