Gure Kasa
21:30ean
Gozategi taldea, gaur gauean, 'Gure Kasa' saioan
EiTB
Bestalde, Lazkao Txiki bertsolari handia hil zela 25 urte beteko dira eta ‘Gure Kasa’n omenaldi txiki bat eskainiko diote
-
Gozategik Bilbon eman zuen kontzertua. Argazkia: Gaizka Peñafiel
Euskal Herriko musika talderik ezagunenetako baten bisita izango dute gaur 'Gure Kasa' saioan. Nork ez du abestu Gozategi taldearen 'nork nori nork, baldintza ta subjuntibo, joder…' edo 'astelehena biharamun…' parrandaren batean? 25 urte bete dituen honetan, estudioan sartu dira berriz eta disko berria prestatzen ari dira.
Asteartean, Lazkao Txiki bertsolari handia hil zela 25 urte beteko dira. ‘Gure Kasa’n omenaldi txiki bat eskainiko diote Joxe Miguel Iztueta bertsolari ospetsuari. Maddalen Arzallus, hitzen eta abestien zaindaria, Lazkaon izan da, Lazkao Txikiren herrian, bera ongi ezagutu zutenekin hizketan eta kantuan.
Iban Garciak youtubeko tutorialik arraroenak erakutsiko ditu eta berak bere tutorial propioa egingo du.
Ez galdu 'Gure Kasa' saioa, astelehenetik ostegunera, ETB1en eta eitb.eus-en.
