Egun on Euskadi
ETB1, 09:00
Franck Dolosor gonbidatu, gaur, 'Egun On Euskadi' saioan
A.A. | EiTB
Solasaldian, Lourdes Idoiagak, Niko Morenok eta Fabio Gonzalezek hartuko dute parte.
Franck Dolosor kazetari eta ETBren Iparraldeko korrespontsala izango dute gonbidatu gaur 'Egun On Euskadi' saioko elkarrizketaren tartean. Larunbatean Baionan egin zen ETAren armagabetze ekitaldiaz eta Frantziako Presidentetzarako hauteskunde-kanpainaren hasieraz mintzatuko da berarekin Estepan Aldamiz-Etxebarria.
Elkarrizketan esandakoak eta egunak dakartzan berri nagusiak aztertuko dituzte solasaldirako mahaian Lourdes Idoiagak, Niko Morenok eta Fabio Gonzalezek.
Estepan Aldamiz-Etxebarriak Xabier Usabiaga izango du lagun albiste kontakizuna egiteko, 09:00etatik 11:00etara, ETB1en eta eitb.eus-en.
