Jean Mixel Bedaxagar kantaria, gaur arratsaldean, "Biba Zuek!" saioan

Gaur arratsaldean, Jean Mixel Bedaxagar abeslari, dantzari eta txirula jotzailearen bisita izango dute "Biba Zuek!" saioan. Urdiñarbetarra dantzari gisa hasi bazen ere, gerora bere kantatzeko moduagatik eta txirula zein ttunttuna jotzeko duen ahalmenagatik egin da ezagun, besteak beste. Bere ibilbidearen errepasoa egiteaz gain, zuzenean kantatuko du.

Aurretik, saioaren lehen orduan, beatbox-a egiten duten bi sortzaile izango dituzte: Boris Orodreth eta Iraia Bask. Ahoarekin soinuak egiten dituzte, erritmo desberdinekin. Horren inguruko argibide guztiak emango dituzte solasaldian.

Ez ezazu galdu "Biba Zuek!", 18:00etan, ETB1en eta eitb.eus-en.