Barrexerka umore taldearekin, gaur, "Biba Zuek!" saioan

Barrexerka umore taldea ezagutzeko aukera izango dute gaur arratsaldeko "Biba Zuek!" saioan. Gazte talde hau 11 lagunek osatzen dute eta umorea eskaintzea dute helburu, gazteengandik, gazteentzat eta euskaraz. Lehen orduan, berriz, ametsak bete dituzten lau gazte izango dituzte gonbidatu. Bakoitzak euren gogo eta nahiak landu eta aurrera atera dituzte, musika aldetik batzuek eta literatura aldetik liburu bat argitaratuz besteak. 

Maddalen Arzallusek eta Xabier Sukiak aurkeztuta, "Biba Zuek!" saioa zuzenean izango dugu ikusgai ETB1en eta eitb.eus-en 18:00etatik 20:00etara.