Twin Melody ahizpak, gaur arratsaldean, "Biba Zuek!" saioan

Gabon gaua iritsi da, eta "Biba Zuek!" saioko lantaldea zirraraz beteta dago Olentzero eta Mari Domingiren bisita jasoko dutelako. Gainera, haiekin bai edo bai egon nahi duten lagun asko hurbilduko dira platora; adibidez, Zigor Iturrieta sukaldariak intxaur saltsa postre goxoa egiten laguntzeko eskatuko die Olentzero eta Mari Domingiri eta Aritz Ganboa artzainak, aldiz, gonbidatuen historia mitologikoari buruzko bideo polit bat erakutsiko du.

Saio bereziarekin jarraitzeko, Twin Melody ahizpak elkarrizketatuko dituzte ostegunean, Jon Garatek, Ainhoa Vitoriak eta Mikel Markezek lagunduta.

Maddalen Arzallus eta Xabier Sukiak gidatutako "Biba Zuek!" saioa astelehenetik ostiralera izaten da ikusgai, 18:00etik aurrera, zuzenean, ETB1en eta eitb.eus-en.