"Nire afiziorik handiena ezer ez egitea da" 

Beñaten amaren gurasoak baserritarrak ziren eta familiakoek adarra jotzen diote. Izan ere, kalekume hutsa dela esaten diote, eta saio honetan, baserriko lanetan aritzeko gai dela erakutsi nahi die. 

20 urteko oiartzuarra integrazio soziala ikasten ari da. Duela gutxira arte txirrindularitzan aritu izan da, elite mailan. Are gehiago, estalitako txirrindularitzako munduko txapelketan lehiatu izan da.

Beñatek gogoko du lagunartean eta familiakoekin egotea, eta abestea ere gustuko du. Baina bere afiziorik handiena ezer ez egitea da, lasai egotea alegia.

Mutil "xelebrea" omen da, lotsagabea, irekia, leiala eta atsegina.