Barre Librea
22:30ean
Luxuzko gonbidatuak, gaur gauean, "Barre Librea" saioan
EiTB
Jon Plazaolak eta Aitziber Garmendiak aurkezten duten saioak Gorka Aginagalde, Getari Etxegarai, Itziar Atienza eta Antton Telleria izango ditu gonbidatu.
Informazio gehiago (2)
Gaurko "Barre Librea" saioa inoiz baino indartsuago dator. Gorka Aginagaldek Egiptoko piramideak euskaldunek eraikitakoak direla uste du eta Getari Etxegarai dislexikoa omen da. Luxuzko gonbidatuen artean, gainera, Itziar Atienzak ederra izatea ez dela beti ederra azalduko digu eta Antton Telleriak estreinakoz egingo du bakarrizketa bat. Adi!
Aitziber Garmendiak jende motzari errepasoa emango die eta Jon Plazaolak umorearen mugak aztertuko ditu. Halaber, Josemanuelen anaia, Zisko, ezagutuko dugu eta Bixki & Dixki moderno monozigotikoek beste atal surrealista bat eskainiko digute.
"Barre Librea" ostiraletan izaten da ikusgai, 22:30ean, ETB1en eta eitb.eus-en.
