Bago!az
22:15ean
Pelikuletako abestirik ezagunenak, gaur gaueko 'Bago!az' saioan
EITB
22:15etik aurrera, denok ezagutzen ditugun filmen abestiak plazaratuko dituzte, besteak beste, 'Shrek', 'Frozen', 'Dirty Dancing', 'Ghostbusters' eta 'Ederra eta Piztia' filmetakoak.
Informazio gehiago (1)
Gaur gaueko 'Bago!az' saioak zinema omenduko du pelikula ezagunetako abestiak eskainiz.
Aste honetako epaile gonbidatua Aitana Etxeberria izango da, eta, Maitane ahizparekin batera, Frozen pelikulako abesti ospetsua kantatuko du. Bestalde, Shrek eta Fiona ere izango dira oholtza gainean, 'I´m a Bealiver' abesti ezagunarekin, eta Karmele Larrinaga, Xabier Saldias eta Iñaki Ainciburu Priscilla Basamortuko Erregina pelikulako pertsonaien paperean sartuko dira, 'I will survive' abesteko.
Halaber, Chicago musikalaz eta Ederra eta piztia klasikoaz gozatzeko aukera izango dute ikus-entzuleek, eta Ghostbusters eta Ofiziala eta zalduna pelikuletako abestiak entzun ahalko dira. Bestalde, Zuriñek eta Alexek Dirty Dancing filmeko abesti ezagunaren bertsio berezia prestatutako dute.
'Bago!az' gaur izango da ikusgai, 22:15ean, eitb.eus-en eta ETB1en.
