2015ean sortu zen Bilbotxeros abesbatza aurretik elkar ezagutzen zuten zenbait musika talde eta korutako lagun talde baten eskutik. Sorreratik, ohiko abesbatzek eskaintzen duten errepertoriotik aldentzeko asmoa zuten eta, koruetako musika modernizatzeko asmoz, 80ko hamarkadako pop abestiak moldatzen hasi ziren, arrakasta handiz. 25 gizonezkok baino gehiagok osatzen dute taldea, eta Jon Aingeru Alvarez da zuzendaria.