albistea
Igandean
San Mateo Torneoko finala, zuzenean, ETB-1en eta eitb.com-en
A.A.
EITB
Bera Bera eskubaloi taldearen Txapeldunen Ligako partida ere zuzenean emango da, baina ETBKn.
-
Pilota. EITB
Igandean jokatuko den San Mateo Torneoko finala zuzenean eskainiko du Euskal Telebistak bere lehen katetik, baita eitb.com-eko streaming bidez. 17:00etan hasiko da pilota emankizuna, Xabier Euzkitze, Joxan Tolosa eta Elena Azpeitiaren eskutik. Finalaren aurretik, Urrutikoetxea-Ibai Zabala / Aritz Lasa-Cecilio partida jokatuko da, eta, ondoren, Olaizola-Ladis Galartza / Olaetxea-Iza.
ETB-1en, ohi denez, herri kirolen leihoa zabalduko dute 15:00etan. Aste honetan, Oñatiko Artzain Txakur Lehiaketaren berri emango du Koldo Aldalur kazetariak, Esteban Plazaola aditua lagun duela.
Bestalde, ETBKk zuzeneko emango du Bera Bera eskubaloi taldeak Txapeldunen Ligan Danimarkako Viborg taldearen aurka jokatuko duen partida. 16:50ean hasiko da emankizuna, Iñigo Aiestaran eta Jose Inazio Altuberen komentarioekin.
