telebista
Eduki nabarmenak
Kepa Junkeraren omenezko kontzertua eta Xabin Fernandez aktoreari elkarrizketa, larunbatean
EITB Media
"Oholtzan" eta "Hitzetik Hortzera" saioetan izango ditugu ikusgai eduki horiek. Bestalde, "Teknopolis" saioan espazioko ikerketa izango dute ardatz, eta kiroletan pala eta esku pilota emanaldiak izango ditugu.
"Arte[faktua]" – 12:50ean ETB1en eta eitb.eus-en
Maite Lopez Las Heras idazle eta itzultzaile azkoitiarrarekin izango da aste honetan Ilaski Serrano, Poetandreak liburuaren nondik norakoak ezagutzeko; hots, 24 poeta andreen lanen antologia.
"Teknopolis" – 13:30ean ETB1en eta eitb.eus-en
Ilargia modan dago, baina beste hainbat jomuga ere badaude espazioko ikerketan. Eneko Axpe NASAko kolaboratzaile zientifikoari galdetuko diote horien berri aste honetako "Teknopolis" saioan. James Webb espazioko teleskopioaren aurrerapen ikusgarriak aztertuko dituzte Fernando Jauregui Iruñeko Planetarioko astrofisikariarekin, eta baita Sentinel sateliteek Lurra zaintzeko egiten duten lana ere. Eta minisateliteak egiten dituen enpresa bat bisitatuko dute Leioan: Satlantis, Urdaneta satelitearen egileak.
Kirol emanaldiak ETB1en eta eitb.eus-en
16:00etan Urrezko Pala txapelketaren finala eskainiko da zuzenean Mungiatik: Fusto-Gordon / Gaubeka-Urrutia. Jarraian, 17:15ean hasita, Iruñeko Labrit pilotalekuko jaialdia eskainiko du zuzenean "ETB Kantxa" saioak: Urrutikoetxea-Albisu / Jaka-Aranguren izango dira nor baino nor gehiago atariko partidan; ondoren, Binakako Txapelketako finalerdietako neurketa jokatuko da: Artola-Eskiroz / Peña II-Mariezkurrena II.
A las 16:00 horas se emitirá en directo desde Mungia la final del torneo Urrezko Pala: Fusto-Gordon / Gaubeka-Urrutia. A continuación, conectarán con el frontón Labrit de Pamplona, donde primero se medirán Urrutikoetxea-Albisu y Jaka-Aranguren, y después se jugará el partido de la liguilla de semifinales del Parejas: Artola-Eskiroz / Peña II-Mariezkurrena II.
"Hitzetik Hortzera" – 21:00etan ETB1en eta eitb.eus-en
Xabin Fernandez aktore eta gidoilari legorretarra elkarrizketatuko dute aste honetan "Hitzetik Hortzera" saioan, estreinatu berri duen Kanpora sartzen antzezlanaz hitz egiteko. Duela 10 urte jakin zuen seropositiboa zela Xabinek eta denbora horretan bizitakoa laburbiltzen du Intza Alkain aktorearen batera.
Horrez gain, Mendaroko eta Legorretako jaialdietako bertsoak izango dira entzungai. Mendaroko Motxaila egunaren baitan, Maialen Lujanbio, Amets Arzallus, Alaia Martin eta Joanes Illarregi aritu ziren bertsotan, Ainhoa Urbietaren gidaritzapean. Legorretan, berriz, Ane Labaka, Maialen Akizu, Alaia Martin eta Oihana Iguaranek hartu zuten parte Tabuen kutxatik oholtzara bertso-saio musikatuan, Amaia Agirreren esanetara.
"Oholtzan" – 22:00etan ETB1en eta eitb.eus-en
Joan den martxoaren 9an Bilboko Arriaga Antzokian Kepa Junkeraren omenez egindako HAUsPOZ kontzertua eskainiko du "Oholtzan" saioak aste honetan. Bertan, musikari handiarekin lan egin duten zenbait artista bildu ziren, Euskal Herrikoak zein atzerrikoak. Ekitaldi alai eta koloretsu honen bitartez, Kepa Junkeraren ondarearekin gozatu ahal izan zuten Arriagan bildutakoek. Orain, aukera zabalduko zaie emanaldia ETB1en eta eitb.eus-en jarraituko dutenei.
