telebista
ETB2, eguneko kanal ikusiena
728.000 ikus-entzulek jarraitu zuten telebistaz Fito & Fitipaldis taldearen kontzertua
134.000 ikus-entzuleko bataz bestekoa izan zuen Euskadin eta eragin esparruan EITBk ekoiztutako kontzertuak ETB2n. Halaber, 389.000 laguneko audientzia metatua izan zuen.
-
Fito & Fitipialdis taldea, Bilbon. (Irudia: EFE)
EITBk ekoiztutako Fito & Fitipaldis taldearen kontzertuak 728.000 ikus-entzuleko audientzia izan zuen, bataz beste, Estatu osoan. ETB2k eta RTVEek eman zuten batera, azken hauek Euskal Komunikazio Taldearekin lotutako hitzarmenari esker. Hartara, Euskadin 171.000 laguneko audientzia izan zuen,
EITBk jarraipen zabala egin zion musika ikuskizun handiari eta ETB2n, % 19,7ko audientzia eta 134.000 ikus-entzule izan zituen bataz beste. Horrez gainera, 389.000 lagunek egin zuten bat emanaldiarekin uneren batean.
ETB2, berebat, eguneko kanalik ikusiena izan zen % 11,8ko audientzia-zatiarekin.
Bestalde, La 2 kanalarentzat ere oso garrantzitsua izan zen kontzertuaren emanaldia: eguneko saiorik ikusiena izan zen eta 594.00 ikus-entzuleko audientzia izan zuen.
