albistea
Asteazkenean
R. Madril-Bayern Munich, zuzenean, ETB-1en eta eitb.com-en
A.A.
EITB
Juanan Legorburu, Juanan Larrañaga eta Naxari Altuna arituko dira berriemaile.
-
Real Madrileko jokalariak. Argazkia: EFE
Txapeldunen Ligako Real Madril-Bayern Munich partida zuzenean eskainiko dute ETB-1ek eta eitb.com-ek asteazken honetan. Finalerdietako itzulerako partidaren nondik norakoak Juanan Legorburuk, Juanan Larrañagak eta Naxari Altunak emango dituzte 20:40ean hasita.
Neurketaren aurretik eta ondoren 'Champions League' saioa gidatuko du Txemi Galarragak, lehendabizi txapelketaren azken ordua eskaintzeko eta, ondoren, norgehiagokaren azterketa sakona egiteko. Juanan Larrañaga aditua izango du alboan.
Saskibaloia ETBK Sat-en
Bestalde, ETBK Sat-en Endesa Ligako saskibaloi partida izango da ikusgai 20:15etik aurrera zuzenean. Gescrap Bizkaia eta Cai Zaragoza taldeen arteko norgehiagokaren kontakizuna Xabier de la Fuente, Josean Aldalur eta Juan de la Vegak emango dute.
Ondoren, 22:00etan, Sito Alonso Lagun Aro Gipuzkoa Basket taldeko entrenatzailea elkarrizketatuko du Jose Ituartek 'La Entrevista' saioan. Talde gipuzkoarraren ibilbide oparoaz jardungo dira berbetan eta denboraldi amaiera honetan, titulua eskuratzeko play-off-ean sartzeko dituzten aukerez ere galdetuko dio Ituartek.
