Binakako Txapelketa Amezketatik, gaur gauean, zuzenean

Gaur gauean, Binakako Txapelketako bosgarren jardunaldiari bukaera emango diote Amezketako Larrunarri pilotalekuan. Hasteko, partida nagusia jokatuko dute Urrutikoetxea - Imaz vs Altuna III.a - Mariezkurrena II.a bikoteek, eta ondoren, promozioko lehiaketan, Egiguren V.a - Ruiz eta Larrazabal - Eskiroz arituko dira nor baino nor gehiago.

22:20an hasiko da jardunaldia, eta Xabier Euzkitzek, Abel Barriolak eta Elena Azpeitiak emango dute zuzeneko emanaldiaren berri ETB1eko "ETB Kantxa" saioan eta eitb.eus-en.