telebista
Kirolak
Futbola eta pilota, gaur, zuzenean, ETB1en eta eitb.eus-en
EITB Media
Binakako Txapelketako partida Olaizaola II – Rezusta vs Urrutikoetxea – Imaz pilotarien artekoa izango da.
-
Futbola, baloia. EITB Mediaren bideo batetik ateratako irudia.
Futbola eta pilota eskainiko dira gaur, zuzenean, ETB1en eta eitb.eus-en.
15:45ean, Bigarren B Mailako futbol partida jokatuko dute Leioa eta Real Sociedad B taldeek Sarriena futbol zelaian. Naxari Altunak eta Juanan Larrañagak egingo dute jarraipena.
Ondoren, 17:30ean, hiru pilota neurketa jokatuko dira. Alde batetik, binakako partida bat jokatuko dute Agirre - Ibai Zabala vs Bakaikoa - Aretxabaleta pilotariek. Ondoren, arratsaldeko norgehiagoka nagusia izango da, eta Binakako Txapelketako partidan aurrez aurre arituko dira Olaizaola II – Rezusta vs Urrutikoetxea – Imaz.
Promozioko partidak emango dio bukaera larunbateko pilota jardunaldiari, Zabala – Erostarbe vs Egiguren V – Ruiz pilotarien arteko lehiarekin.
Bilbon jokatuko dira hirurak eta "ETB Kantxa" saioan zuzeneko jarraipena egingo dute Xabier Euzkitzek, Mikel Idoatek eta Ane Muruamendiarazek.
