telebista
Kirolak
Zarauzko Ikurrina, Dauphiné Kriteriumeko azken etapa eta pilota, gaur, EiTBn
EiTB
Askotariko kirol emanaldiak eskainiko dira igandean. Egunean zehar, estropadak, pala eta txirrindularitza izango ditugu ikusgai, ondoren, pilota eta herri kirolak.
Informazio gehiago (1)
11:30ean, zuzenean, Zarauzko Ikurrinaren bigarren jardunaldia izango da ikusgai. Euskotren eta Eusko Label ligetako kontakizuna Mikel Olazabalek, Ibon Gaztañazpik eta Sara Gandarak egingo dute.
14:00etan, Debatik palako binakako txapelketa bi eskainiko dira: hirugarren eta laugarren postukoak, Fusto-Ibai Perez vs. Gaubeka-Garate eta finala, Ibarguren-Ibargarai vs. Necol-Urrutiaren artean. Partidak, ETB4n izango dira ikusgai, Pedro Mari Goikoetxearen eta Mikel Aierberen eskutik.
15:40ean, Dauphiné Kriteriumeko azken etapa izango dugu. 5. etapa honek Megèven izango du hasiera eta bukaera (153 km). Fermin Aramendik, Xabier Usabiagak eta Alfotso Arroiok egingo dute kontakizuna.
17:15ean, ETB1en eta eitb.eus-en pilota jardunaldiaz gozatzeko aukera izango dugu Zarauztik. Bi partida hauek jokatuko dira: Victor-Larunbe vs. Darío-Erostarbe eta Ezkurdia-Aranguren vs. Jaka-Albisu. Xabier Euzkitzek, Abel Barriolak eta Elena Azpeitiak egingo dute kontakizuna.
Bukatzeko, 23:00etan, ETB1en Herri Kirolak eskainiko dira, Urrezko Kopa 2020, Donostiatik. Juanan Legorburuk eta Joxe Etxebestek egingo dute kontakizuna.
