telebista
22:30ean
'El secreto de Iris' pelikularen estreinaldia, gaur, "La Noche de... " saioan
EiTB
Felix Linaresek sekretuz beteriko saioa eskainiko du eta, besteak beste, Steve McQueen eta Kelly LeBrock hartuko ditu protagonista.
-
'El secreto de Iris' pelikularen irudia
Gaur gauean, "La Noche de..." saioak suspensez beteriko filma estreinatuko du telebistan: El secreto de Iris. Abokatu batek bere familiak urteetan zehar gorde duen sekretua topatuko du: autismoa duen neba bat dauka, berak inoiz ezagutu ez duena, eta segurtasun handiko zentro batean dago ingresatuta, auzokide baten eta bere alabaren hilketaren egile delakoan. Herbehereetako film honek Monique van de Ven eta Fedja van Huêt aktoreak ditu protagonista.
Felix Linaresek aurkezten duen saioak, gainera, Steve McQueen aktorearen ibilbidea gogoratuko du. Besteak beste, Manson familiak Sharon Tate hil zuen eguneko festara joateko gonbidapena zuen ala ez jakingo dugu.
Bestalde, Kelly LeBrock aktorea hartuko du saioak protagonista, eta ospea alde batera utzita gaur egun daraman bizimodu lasaia azalduko du.
Amaitzeko, Ovejas negras atalak zinemako bi izar ezagunen familien sekretuen berri emango digu.
"La Noche de.. El secreto de Iris" gaur izango da ikusgai, 22:30ean, ETB2n eta eitb.eus-en.
