telebista
Audientzia
'En Jake'k inoizko daturik onenak bereganatu ditu
EiTB
Astearteko atala saioaren historiako emanaldirik ikusiena izan zen. Halaber, 'En Jake'k, batez beste, % 9,9ko kuota lortu zuen urrian.
-
Xabier Lapitzek aurkezten du 'En Jake' saioa. Irudia: EiTB
'En Jake' saioak audientziaren harrera bikaina izan du azkeneko asteetan eta inoizko daturik onenak bereganatu ditu.
Asteartekoa saioaren historiako atalik ikusiena izan zen, % 15,1eko audientzia-zatia bereganatuz. Halaber, 127.000 ikus-entzuleko audientzia metatua lortu zuen Euskadin eta eragin eremuan.
Bestalde, urrian lortutako datuei esker, Xabier Lapitzek aurkeztutako saioak markak hobetu ditu: batez beste, % 9,9ko audientzia-zatia eta 108.000 ikus-entzuleko audientzia metatua izan ditu, hain zuzen ere.
