telebista
EiTB Kirolak
Super Amara Bera-Beraren partida eta Codere Masterreko finala, gaur, zuzenean, EiTBn
EiTB
Iberdrola Guerreras Ligako eskubaloi partida 12:10ean emango da eta Iruñeko pilota jaialdia 17:00etan.
-
Bera Bera, EHFko partidan. EFE
Zuzeneko bi kirol emanaldi izango ditugu gaur ETB1en eta eitb.eus-en. Hasteko, eskubaloia. Iberdrola Guerreras Ligako Super Amara Bera-Bera vs Liberbank Gijon norgehiagokaren kontakizuna egingo digute 12:10etik aurrera Jon Ander Gorospek, Maialen Ziarsolok eta Ane Muruamendiarazek.
Eguneko bigarren kirol hitzordu nagusiak Iruñera eramango gaitu. Codere Masterreko finala jokatu da Navarra Arenan Irribarria-Rezusta eta Altuna III-Zabaleta bikoteen artean. Binakako beste bi partidek osatuko dute 17:00etan hasiko den jaialdia: Retegi Bi-Galarza / Agirre-Aretxabaleta eta Arretxe II-Erasun / Mendizabal III-Ruiz. Xabier Euzkitze, Abel Barriola eta Elena Azpeitia izango dira esatariak.
Azkenik, 15:45ean, herri kirolen tartean, bezperan Gasteizen jokatutako Euskal Herriko Txapelketako finalerdien berri emango digute Pedro Mari Goikoetxeak eta Jose Etxebestek.
