telebista
Kirol emanaldiak
Athletic-Reala, Euskal Herria Kopa finala, gaur, zuzenean, ETB1 eta eitb.eus-en
EITB
Horrez gain, Aste Nagusia pilota torneoaren finala eta Bueuko bandera eskainiko dituzte zuzenean.
-
Atheltic eta Realeko jokalariak. Irudia: EFE
Larunbatean, emakumezkoen futbolak, arraunak eta pilotak osatuko dute Euskal Telebistako kirol eskaintza.
16:00etan Azpeititik zuzenean, Athletic eta Realak jokatuko duten Euskal Herria Kopa finala izango da ETB1en eta eitb.eus-en ikusgai. Ondoren, Bueuko banderarekin bat egingo dute zuzenean eta Eusko Label ligako estropadak 18:00etatik aurrera eskainiko dituzte.
Amaitzeko, Bilbon jokatuko den Aste Nagusia pilota torneoa eskainiko dute 21:00etatik aurrera. Hasteko, Ezkurdia-Garmendia eta Laso-Aretxabaleta bikoteen arteko atariko partida eskainiko dute, eta gaueko Mariajaiaren agurraren zuzeneko emanaldiaren ondoren, 23:00etan, torneoaren finala eta jardunaldiko hirugarren partida ( Elordi-Etxebarria / Alberdi-Iturriaga) emitituko dira.
Emanaldi guztiak ETB1en eta eitb.eus-en izango dira ikusgai.
