telebista
Kirol emanaldiak
Carranza Trofeoaren finala, gaur gauean, zuzenean, ETB2n eta eitb.eus-en
EiTB
Athleticek jokatuko du finala, 22:00etan, astelehenean CD Tacon taldeari irabazi ondoren.
-
Athleticeko jokalariak gola ospatzen. ETBko bideo batetik ateratako irudia
Gaur gauean, Athleticek jokatuko duen Carranza Trofeoaren finala eskainiko dute ETB2k eta eitb.eus-ek, 22:00etatik aurrera, zuzenean, Naxari Altuna eta Eli Ibarra esatarien kontakizunarekin.
Athleticek Madrilgo CD Tacón taldeari irabazita lortu zuen finalerako pasea, eta astearte honetan, abuztuaren 13an, Real Betis Féminas eta Tottenham taldeen arteko partidan erabaki da zein izango den talde bizkaitarraren aurkaria finalean. Talde ingelesa izango dute zuri-gorriek aurkari, 0-1 irabazi baitio Sevillako taldeari.
Burgosko Itzuliaren bigarren etapa
Horrez gain, ETB1ek eta eitb.eus-ek Bugosko Itzuliaren bigarren etapa eskainiko dute zuzenean, 15:00etatik aurrera. Gurmiel de Izan eta Lerma herrien arteko 155 kilometroko ibilbide laua izango du, eta Xabier Usabiagak eta Fermin Aramendik egingo dute emanaldiaren kontakizuna.
