telebista
11:25ean
Maria Chiviteren kargua hartzeko ekitaldia, gaur, 'Está Pasando' berezian
EiTB
Adela Gonzalezen eskutik, Nafarroako presidentearen kargua hartzeko ekitaldia eskaini eta bertan izango diren protagonistak hartuko ditu.
-
Maria Chivite, Nafarroako presidentea. Argazkia: EFE
Gaur goizean, 'Está Pasando' saio berezia izango da ikusgai 11:25etik aurrera, Adela Gonzalez kazetariaren eskutik. Maria Chivite Nafarroako presidentearen kargua hartzeko ekitaldia bertatik bertara jarraituko du saioak, ETB2n eta eitb.eus-en.
Xabier Ormazabal eta Leire Argandoña kazetariak Nafarroako Parlamentuko atrioan egingo den ekitaldi instituzionalean egongo dira. Eguneko protagonista politikoekin eta alderdi ezberdinetako ordezkariekin hitz egingo dute bertan.
Halaber, Victor Goñi, Ricardo Crespo, Chelo Aparicio, Oskar Bañuelos eta Jesus Barkos solaskideek, eta Luis R. Aizpeolea, Javier Ayuso eta Marisa Cruz adituek analisi politikoa egingo dute.
PSN, Geroa Bai, Podemos eta Izquierda-Ezkerra taldeen aldeko botoa jasota, ostiralean, abuztuaren 2an, izendatu zuten Maria Chivite presidente Nafarroako Parlamentuan egin zen inbestidura-saioan. EH Bilduk emandako bost abstentzioei esker lortu zuen gehiengo sinplea buruzagi sozialistak, bigarren bozketan.
