Esko eta Caballo, 'El Conquis'eko luxuzko gaurko gonbidatuak, Luisitori esker

Esko eta Caballo, Luisitoren azken biktimak, hartuko dituzte 'El Conquis' debatean gaur gauean kanporaketan gertatutako guztiaren berri emateko prest. Nafarroako lehiakideak dueluan erakutsi zuen borrokarako gogo falta azaldu beharko du, eta batez ere, Ianire libre utzi eta haren burua kanporaketa probarako aurkeztearen arrazoiak.

Bestalde, Luisito kanpamendura itzuli zeneko irudiak eta haren aurrean berdeek eta gorriek izandako jarrera aztertuko dituzte. Gainera, datorren asteko atal erabakigarriaren aurrerapena eskainiko dute final handiaren atarian.

Gonbidatuekin batera, conquistologoek, kapitainek, lehiakideek eta senitartekoek Panaman izandako azken gertaerak komentatuko dituzte. Halaber, Ainhoak eta Txurruk Gazteako setetik girotuko dute saioa eta Humberto Gutierrezek imitazio berri batekin harrituko gaitu.

'El Conquis' debatea asteazkenetan izaten da ikusgai 22:30ean ETB2n eta eitb.eus-en.