telebista
22:00etan
'Jon Pertika gogoan' emanaldia, gaur gauean, 'Oholtzan' saioan
EiTB
Beti Jai Alai dantza taldearen 50. urteurrenean, Jon Pertika dantzari eta dantzen maisuari egindako omenaldia eskainiko du ETB1ek.
Informazio gehiago (1)
Gaurko 'Oholtzan' saioak Arriaga Antzokian azaroan egin zuten Jon Pertika gogoan emanaldia eskainiko du. Beti Jai Alai dantza taldeko 50. urteurrenaren harira, taldearen sortzaile eta zuzendari izandako dantzari eta dantzen maisua omendu zuten.
Emanaldian, Euskal Herriko probintzietako dantzak izan ziren ikusgai: Lapurdiko inauterietako dantzak, Nafarroa Behereko dantzak, Bizkaiko dantzak, Gipuzkoako dantzak eta Arabako dantzak. Jantziak ere ikusgarriak izan ziren, eta 90 dantzarik baino gehiagok hartu zuten parte bertan, dantza taldearen 50 urteko ibilbidean zehar izandako belaunaldi ezberdinetako dantzariak.
'Oholtzan' larunbat honetan izango da ikusgai, 22:00etan, ETB1en eta eitb.eus-en.
