telebista
22:30ean
'La Noche de...' saioak 'Al lado del enemigo' filma estreinatuko du gaur gauean
EITB
Saioak, gainera, Bradley Cooper aktorea izango du protagonista, eta 'Tu frase favorita' atalak ikus-entzuleen esaldi gustukoena zein den erakutsiko du.
-
'Al lado del enemigo' filmaren irudi bat
'La Noche de...' saioak Al lado del enemigo pelikula estreinatuko du gaur gauean. Benetako gertakarietan oinarritutako istorioa da, Bigarren Mundu Gerraren amaieran Hungarian kokatzen dena. Judu gazte batek nazien uniforme bat ostu eta bere burua Alemaniako ofizialtzat aurkeztuko du, bere senideak eta beste judu batzuk babesteko. Jonas Amstrong, Ben Kingsley, Hannah Tointo eta Simon Kunz aktoreak protagonista dituen filmaren datu guztiak emango ditu Felix Linaresek.
Bestalde, Tu frase favorita atala bere amaierara helduko da, ikus-entzuleen zinema munduko esaldirik gustukoena zein den azalduz.
Saioak, gainera, Bradley Cooper aktorea hartuko du protagonista, laster A Star is Born pelikula estreinatuko baitu. Lan horretan, aktore, zuzendari, gidoilari eta ekoizle lanak egin ditu Cooperrek. Horren ibilbide profesionala errepasatuko dute El Curriculum de Bradley Cooper atalean.
Amaitzeko, bikingoak euskaldunen beldur zirela azalduko digu Felix Linaresek Los vascos conquistan Hollywood atalean.
'La Noche de... Al lado del enemigo' gaur izango da ikusgai, 22:30ean, ETB2n eta eitb.eus-en.
