prentsa oharrak
Ostiralean
Patxi Lopez lehendakariaren urte bukaerako mezua emango du EITBk
A.A.
EITB
ETBko bi kateetan, Radio Euskadin, Euskadi Irratian eta eitb.com-en emango da mezua.
Euskal Irrati Telebistak Patxi Lopez lehendakariaren urte bukaerako mezua emango du ostiralean, abenduaren 31an. Emisioa ETBko bi kateetan, Radio Euskadin, Euskadi Irratian eta eitb.com-en egingo da.
Euskal Telebistaren lehenengo katean, Lehendakariaren euskarazko mezua iluntzeko "Gaur Egun" albistegiaren ostean izango da, 20:30ean, eta Euskadi Irratian, berriz, bederatzietako albiste emankizunaren hasieran.
ETB-2k eta Radio Euskadik 21:00etan eskainiko dute Patxi Lopezen urte zaharreko mezua. Jarraian "Teleberri" albistegia izango da ikusgai telebistan eta albiste emankizuna irratian.
eitb.com-ek ere eskainiko du, streaming bidez, euskaraz eta gaztelaniaz. Lehengoa 20:30ean; bigarrena 21:00etan.
