telebista
22:30ean, ETB2n
'El corazón valiente de Irena Sendler' filma eskainiko du 'LND'k gaur gauean
A.A.| EiTB
Egiazko gertakarietan oinarritutako pelikula zirraragarriaren inguruko xehetasunak emango dizkigu Felix Linaresek.
Irena Sendler izeneko Poloniako erizain baten istorioa oinarri duen filma izango dugu ikusgai gaur gauean 'La Noche de…' saioan. El corazón valiente de Irena Sendler izenburuak dioen bezala, emakume ausarta izan zen Sendler. Bigarren mundu gerran, erizaina zela baliatuz eta bere bizitza arriskuan jarriz, jende askori laguntza eskaini zien nazien sarraskiarengandik babesteko. Pelikularen zuzendaria John Kent Harrison da eta protagonista nagusiak Anna Paquin, Nathaniel Parker, Scott Handy eta Marcia Gay Harden.
Film zirraragarri honen inguruko xehetasunak emateaz gain, 30 urte bete berri dituen Ana de Armas aktoreari buruz arituko zaigu Felix Linares.
Bestalde, Maiatzaren Lehena izaki, zinemaren historian lan gehien egin duten aktoreen errepasoa egingo du, eta zorigaiztoko gertakariren bategatik hiltzeko zorian egon diren aktoreen istorioak ekarriko ditu gogora.
Ez ezazu galdu 'La Noche De... El corazón valiente de Irena Sendler', gaur, 22:30ean, ETB2n eta eitb.eus-en.
