telebista
Musika
Zea Mays-ek, Doctor Deseok eta EOS-k grabatutako emanaldia, ETBn
Fernando Velazquezen zuzendaritzapean eskainitako kontzertua gaur izango da ikusgai 21:00etan, ETB1en; eta irailaren 9an 13:30ean, ETB2n.
Gaur, irailak 2, (21:00etan) ETB1en eta 9an, ETB2n (13:30etan) estreinatuko da Euskadiko Orkestra Sinfonikoak, Zea Maysek eta Doctor Deseok Fernando Velazquezen zuzendaritzapean, Orkestraren Miramongo egoitzan, grabatutako emanaldia. Bi euskal talde ezagunen kantu famatuenak bertsio sinfonikoan ikus eta entzungai izango dira.
Fernando Velázquez konpositoreak idatzi eta zuzendu zituen Zea Mays-en "Elektrizitatea", "Gaur" eta "Negua joan da ta" kantuen eta Doctor Deseo-ren "Corazón de tango", "Cuánto frío hace en Saturno" eta "Una mirada distinta" ezagunen moldaketak. Emanaldiaren grabaketa Jabi Elortegik zuzendu zuen.
