Astearteko 'Ur Handitan' saioa, denboraldiko ikusiena

'Ur Handitan' saioak orain arteko daturik onena lortu zuen abenturazaleei eskainitako Ortzimugarantz izeneko erreportajearekin asteartean. Orokorrean, %4,6ko audientzia-zatia eta, euskaldunen artean, %9,9koa bereganatu zituen. Halaber, 82.000 ikus-entzuleko audientzia metatua izan zuen Euskadin eta eragin eremuan.

Xabier Madariagak gidatutako saioak audientzia datu nabarmenak lortu ditu denboraldi osoa kontutan hartuz. Bataz besteko datuak hauek dira: %2,9ko kuota, euskaldunen artean %7,1ekoa, eta 74.000 ikus-entzuleko audientzia metatua.

'Atrápame Si Puedes', audientzia-buru berriz ere

Patxi Alonsok aurkeztutako 'Atrápame Si Puedes' lehiaketa bere ordu tartean nagusi izan zen berriz ere asteartean. %15,5eko audientzia-zatia eta 172.000 ikus-entzuleko audientzia metatua lortu zituen Euskadin eta eragin eremuan.

Hirugarren denboraldiko bataz besteko datuak hauek dira: %13,3ko audientzia zatia eta 143.000 ikus-entzuleko audientzia metatua.