prentsa oharrak
Ostiral honetan
Genova-Athletic Club, zuzenean ETB-1en eta eitb.com-en
A.H.
EITB
Ondoren, Zarauzko pilota torneoaren semifinala eskainiko da.
Athleticen aurredenboraldiarekin hasiko ditu ostiral honetako kirol emanaldiak Euskal Telebistak. Bilboko taldeak Genova talde italiarraren aurka jokatuko du 20:45ean Luigi Ferrari estadioan eta ETB-1ek eta eitb.com-ek (jarraitu zuzenean) zuzenean eskainiko dute norgehiagoka Bingen Arostegi eta Ander Txintxurretaren komentarioekin. eitb.com atariak ere streaming bidez eskainiko du bilbotarren partida.
22:30ean pilotaren txanda izango da, Zarauzko pilotalekuan arratsaldean jokatutako pilota torneoaren semifinala eskainiko du Euskal Telebistak. Lehenengo, Xala-Beroiz eta Aritz Lasa-Zubieta bikoteen arteko txapelketako partida izango da ikusgai eta ondoren Leiza-Ibai Zabala eta Retegi BI-Eulate bikoteen artekoa. Xabier Euzkitzek eta Joxan Tolosak emago dute partiden berri ETB-1en.
