'El Conquistador' 278.000 ikus-entzulek jarraitu zuten astelehenean

'El Conquistador del Caribe' saioak %15,1eko audientzia-zatia eta 278.000 ikus-entzuleko audientzia metatua lortu zituen Euskadin eta eragin- eremuan. Astelehen gaueko programak ikus-entzule kuttunen artean bere tokia du, eta denboraldian zehar, %16,4ko sharea eta 324.000 ikus-entzuleko audientzia metatua lortu ditu.

Atzoko atalean Saioak etxera joan behar izan zuen, Izeta eta Carolen aurkako duelua galdu ostean. Saioak agur esan zion abenturari, baina azken uneraino egin zuen borroka, oztopoak oztopo, eta gainerako lehiakide guztiak kontra zituela.