Coral eta Sofia 'GH'ko irabazlea, 'El Conquis' saioko protagonistak

Gaur gaueko 'El Conquis' eztabaida-saioan, 'Gran Hermano' saioa irabazi zuen Sofia Suescun izango da, eta Maite Galdeano bere amarekin reality batean parte hartzeak zer ekarri dion esango digu. Ama eta alaba hauei esker, Mikel eta Iñaki Mayayok programan dituzten aukerak aztertu ahal izango ditugu. David Secoren talde berdean bizitzen ari da Karibeko abentura hau Nafarroako bikotea. Baina, nola ez, abentura honetatik kaleratu zuten Coral izango da gonbidatu nagusia Patxi Alonsok aurkezten duen eztabaida-saioan. Ez da bakarrik egongo, hamahirugarren edizioaren pertsonaiarik ospetsuenetariko bat izango baita. Gorrotxa ermuarra Miramongo platoan egongo da, eta "Gorrotxa Dance" dantza erakusteaz gainera, Karibeko oihaneko ibilerak kontatuko dizkigu.

Gaurko saioan, beti bezala, hurrengo immunitate-jokoaren irudirik onenak aurreratuko dituzte, Erkuk programarekin dituen tirabiren atal berri bat izango dugu, kanporatzeko dueluaren dinamika aurreratuko dute, Leire eta Nerea kanpamenduetara eta Idoia uhartera nola iristen diren ikusiko dugu. Joseinak eta Ainhoak Twitterreko mezurik onenak irakurriko dizkigute, Gaztearen erritmoan, eta webguneko aste honetako galderaren erantzuna azalduko dute: zein da talde urdinean benetan agintzen duena, Marcelo ala Manu?

Hori guztia eztabaidatuko dute 'El Conquis' saioan adituek: Isa Landa, Txirrita, Raúl Arribas, Eneko Van Horenbeke eta Gotzon Mantuliz.

'El Conquistador del Caribe' saioko eztabaida-saioa asteazkenetan izaten da ikusgai, gaueko 'Eguraldia'ren ostean, ETB2n eta eitb.eus-en.