telebista
Ostiralean
Markel Olano Gipuzkoako diputatu nagusia,'Egun On Euskadi' saioan
A.H. | EITB
Horrez gain, Eusko Legebiltzarreko Mahaia osatzeko prozesua jarraituko dute.
Gaur, Estepan Aldamiz-Etxebarriak Markel Olano Gipuzkoako diputatu nagusia elkarrizketatuko du ETB1eko 'Egun On Euskadi' saioan, eta egun-eguneko egoera politikoaz galdetuko dio. Horrez gain, Eusko Legebiltzarra eratzeko bilkura jarraituko dute, zuzenean.
Bestalde, Patxi Gaztelumendi, Edurne Egaña, Xabier Riezu eta Onintza Enbeita kolaboratzaileak solasaldirako mahaiaren inguruan bilduko dira eguneko albiste nabarmenenak aztertzeko.
'Egun On Euskadi' astelehenetik ostiralera izaten da ikusgai, 09:00etatik aurrera, ETB1en.
1en.