telebista
22:15ean
'El padrastro' filma, gaur gauean, ETB2n
Jarraian, McG zuzendariaren 'Los ángeles de Charlie' izango da ikusgai, Cameron Diaz, Drew Barrymore eta Lucy Liu protagonista dituen lana.
ETB2k El padrastro (The Stepfather, 2009) eskainiko du gaur gauean, 1987ko El padrastro beldurrezko filmaren remake edo bertsio berria. Intriga handiko thriller hau Nelson McCormick zuzendu zuen, eta Dylan Walsh, Penn Badgley eta Sela Ward ditu protagonista.
Michael Harding (Penn Badgley) eskola militarretik etxera bueltatu da, amarekin (Seal Ward) elkartzeko. Ama David (Dylan Walsh) mutil-lagunarekin ezkondu zen, eta pozik bizi dira elkarrekin. Elkar ezagutu ahala, Michaelek susmo txarra hartuko dio amaren bikotekideari. Dirudien bezain jatorra al da?
El padrastro filma gaur gauean izango da ikusgai, 22:15ean, ETB2n.
Cine 2: Los ángeles de Charlie
Jarraian, 00:15ean, McG (Joseph McGinty) zuzendariaren Los ángeles de Charlie (Charlie's Angels, 2000) film ezaguna eskainiko da kate berean. Cameron Diaz, Drew Barrymore eta Lucy Liu dira film honetako protagonista nagusiak.
