X-lanochede-X
22:30ean
'Ira de titanes' filma, gaur gauean, 'La Noche de...' saioan
A.H. | EITB
Saioak, gainera, Matt Damon aktorearen inguruko azken zurrumurruen berri emango du, eta horrez gain, aktore ezagunen seme-alabek eman dituzten arazoak errepasatuko ditu.
'La Noche de...' saioak Ira de titanes akzioz beteriko pelikula eskainiko du gaur gauean. Furia de titanes filmaren bigarren partea da eta Sam Worthington da protagonista. Berarekin batera arituko dira Liam Neeson, Ralph Fiennes eta Rosamund Pike aktoreak. Felix Linaresek pelikularen filmazioaren datu guztiak emango ditu emanaldiaren aurretik.
Saioak, gainera, Matt Damon aktoreari buruzko erreportaje dibertigarria eskainiko du La cuadrilla de los Oscar atalean, aktore onenari Oscar sarirako izendapenaren harira. Hollywoodeko aktorerik jatorrenaren ospea dauka Damonek, eta azkenaldian, hainbat zurrumurru entzun dira grabatu dituen sexu eszena gay batzuen harira. 'La Noche de...'k kontu guzti horiek argitu nahi izango ditu.
Bestalde, Oscarren ekitaldia igandean ospatuko denez, 'LND' saioak antolatutako kinielan parte hartzeko epea aste bukaeran itxiko da. Parte hartzen duten guztien artean, bi pertsonentzako afaria zozketatuko du saioak Bilboko Etxanobe jatetxean.
Horrez gain, aktore ezagunen seme-alaben inguruan hitz egingo dute saioan, zehazki, arazoak dituzten seme-alaben inguruan, También son humanos atalean. Besteak beste, Bruce Willisen alabak eta Jakie Chanen semea hartuko ditu protagonista.
Amaitzeko, La conquista de Hispania atalean, Hollywoodeko pelikulek penintsulako herriak edo ohiturak azaltzerako orduan egin dituzten hanka-sartzeak azalduko ditu.
'La Noche de... Ira de titanes' gaur izango da ikusgai, 22:30etik aurrera, ETB2n.
