telebista
22:15ean, ETB2n
Hasier Arraiz, gaur, 'Euskadi Pregunta' saioan
Bidali Arraizi egingo zeniokeen galdera 'Euskadi Pregunta'ren helbide elektronikora. Sortuko presidenteak 25 herritarren galderei erantzungo die, Africa Baetak aurkezten duen saioan.
-
Hasier Arraiz, Sortuko presidentea
Afrika Baetak aurkezten duen 'Euskadi Pregunta' saioan politikariei galderak egiteko aukera dute herritarrek. ETB2ko programako hirugarren gonbidatua Hasier Arraiz Sortuko presidentea izango da, eta platoan egongo diren herritarren galderei eta posta elektronikoz bidalitako beste zenbait galderari erantzun beharko die.
Bildarte enpresak aukeratu dituen 25 lagunen galderei erantzun beharko die Hasier Arraizek, eta minutu bat izango du galdera bakoitzari erantzuteko. Telebistako platoan egongo diren 25 lagun horiek Euskadiko herritarren ordezkari gisa aukeratu dituzte, irizpide estatistikoei jarraituz. Erantzuna jaso ondoren, galdera egin duen herritarrak bere iritzia emateko aukera izango du.
Platoan egongo diren lagunen galderei erantzuteaz gainera, nahi duenak Hasier Arraizi egin nahi dion galdera bidali ahalko du apirilaren 28ko 12:00ak arte. Galdera horiek aurkezleak egingo dizkio. Galdera bidaltzeko, bi bide daude: saioaren webgunea eta euskadipregunta@eitb.com helbide elektronikoa.
'Euskadi Pregunta' gaur gauean izango da ikusgai, 22:15ean, ETB2n.
