telebista
Kirol emanaldiak
Uxue Bilbao Basket–Ratiopharm Ulm, zuzenean, ETB-1en eta eitb.com-en
A.H.
EITB
Horrez gain, Tirreno-Adriatico itzuliaren azkeneko etapa eskainiko du Euskal Telebistak.
Astearte honetan, Uxue Bilbao Basket taldeak Ulmeko Ratiopharm taldea hartuko du Miribillan. Eurokopako final laurdenetako itzuliko partida da eta bilbotarrek etxean daudela aprobetxatu beharko dute, joaneko partidan izandako porrota altxatzeko. Euskal Telebistak arratsaldeko 20:15etik aurrera bat egingo du norgehiagokarekin, eta Asier Aranguren, Josean Aldalur eta Jokin Etxebarriak egingo dute emanaldiaren gaineko kontakizuna. eitb.com-eko erabiltzaileek ere partida zuzenean jarraitzeko aukera izango dute streaming-aren bitartez.
Tirreno-Adriatico lasterketaren azkeneko etapa
Bestalde, Tirreno-Adriatico itzuliaren azkeneko etaparekin bat egingo du Euskal Telebistak 14:55etik aurrera. San Benedetto del Tronon hasi eta amaituko den 9,3 kilometroko banakako erlojupeko proba izango da, eta Xabier Usabiagak eta Fermin Aramendik egingo dute emanaldiaren gaineko kontakizuna zuzenean, ETB-1en eta eitb.com-en.
