"LND" saioak eskainitako lehen pelikula ikusteko aukera ematen dizu

"Drácula de Bram Stoker" filma ikusteko hitzordua urriaren hasieran Donostian izango da. Parte hartzen duzuenon artean 100 gonbidapen bikoitz banatuko ditugu.

"La Noche de…" saioak 25 urte beteko ditu, eta urteurren berezi hau jarraitzaile guztiekin ospatu nahi du. Horretarako, ikaragarrizko gau bat antolatu du. Hala "La Noche de…" saioak orain 25 urte eskainitako lehen pelikula ikusteko aukera izango dugu; oraingoan, baina, pantaila handian eta izarpean.

Hitzordua urriaren hasieran, Donostiako Kristina-Enea Parkean. Bertan, Bram Stoker's Dracula (1992) pelikula proiektatuko da, orain 25 urte "LND" saioan emititutako lehen filma. Oraingoan ere, Felix Linaresen eskutik, nola ez.

Bertan egoteko nahikoa izango da gonbidapena lortzea, "LND" saioaren webgunearen bitartez. Guztira, 100 gonbidapen bikoitz banatuko dira.