Zientzia

Elhuyarrek azpimarratu du 2024a urte emankorra izan dela arlo zientifikoan. Berri harrigarriak izan dira, baina baita beste hainbat kezkagarri ere. Elhuyarrek berak hamaika albiste zabaldu ditu urte osoan zehar, eta horietatik 10 esanguratsuenak nabarmendu ditu.

Dibulgazioa egin duten zientzialarien % 51k erasoak jasan dituztela jakin ondoren, EHUn aritzen diren Izortze Santin eta Jone Bilbao ikerlariekin irain eta mespretxuzko komentario hauen nondik norakoei buruz hausnartu dugu.

Birus "ehiztari" bat, erloju nuklearren diseinatzaile bat, adimen artifizialean aditu bat... Nature aldizkari ospetsuak 2024an zientzia markatu duten 10 pertsonak aukeratu ditu.

Bakterioek antibiotikoei aurre egiten ere ikasten dute, eta, beraz, litekeena da etorkizunean osasun-arazo handia izatea. Igor Horrillo EHUko Farmazia Fakultateko dekanordeak azaldu du guk geuk asko egin dezakegula erresistentzia hori saihesteko.

Ana Galarragak Rikardo Arregi kazetaritza sarien Ohorezko mugarria saria jaso du. Bere ibilbide zientifikoan gainerako kideekin batera egindako lanak ekarri diola aipatzen du. Epaimahaiak zientzian egindako ekarpen feminista azpimarratu du.  

Bi artistek Hemendik At taldearen abesti ezagun honen bideoklip solidarioa grabatu dute. EITB Maratoiak berak bezala, 25 urte bete dituen kantua da. Herritarrei dei egin diete honekin bat egitera, kantuan eta dantzan bideo bat egin, grabatu eta zabalduta.

Ion Garin eta Virginia Garcia Aranzadi Zientzia Elkarteko bazkideek Bihotz Berdeak programa aurkeztu dute. 12-15 urte bitarteko nerabeei zuzenduta dago, zientzia eta ingurumenaren arloak lantzeko helburuarekin. Informazio guztia eskuragarri, Aranzadiren webgunean.

35,4 metroko diametroa eta 12 solairuko altuera du dispositibo erraldoi horrek, eta lurpean dago, 700 metroko sakoneran, granitozko geruza baten azpian, Kaipingen, Jiangmen hirian. "Unibertsoaren misterioak argitzeko mamu-partikulak" jasotzea du helburu, Xinhua albiste-agentziak jaso duenez.

Gaixotasun arraro hau Arabako 20 familiatako kideek daukate. Ikertzaileen ustez, 5 urte inguru beharko dira emaitzak ikusten hasteko.

Aste honetan, historian izandako lehen ibilaldi espazial pribatua egin dute. Elon Musk aberatsaren SpaceX enpresak egin ditu misio honetan erabili dituzten jantzi bereziak.