2024-25eko UEFA Europa Liga

Nico Williamsek, oso pozik Athleticek finalerdietarako txartela lortu duelako, bere taldea "gauzak oso ondo" egiten ari dela uste du, eta maiatzaren 21ean San Mamesen jokatuko den Europa Ligako "finalera iristeko horrela jarraitzea" espero du.

Athleticeko atezainak, beste behin, ez du golik jaso, Europa Ligako partidan, Rangersen aurka; Eskoziako taldea kanporatuta, talde zuri-gorriak, orain, Manchester United izango du aurkari, finalaurrekoetan.

Athleticeko entrenatzaileak, talde zuri-gorriak final laurdenetan Rangers FC kanporatuta, finalerdietan aurkaria izango den Manchester United izan du aztergai: "Old Trafford, ondo dago, han jokatu behar da", nabarmendu du.

Athletic 2024-25 denboraldiko Europa Ligako finalerdietarako sailkatu da Rangers taldea San Mamesen kanporatuta (2-0). Oihan Sancetek sartu du 1-0ekoa, penaltiz, lehen zatiko luzapenean, eta Nico Williamsek egin du Athleticen bigarren gola, 81. minutuan.

Zale zuri-gorriak Moyua plazaren inguruan bildu dira, Carlton Hotelaren aurrean, Athleticeko jokalariei hauspoa emateko, Rangersen aurkako Europa Ligako partidaren atarian.

Rangerseko milaka zale estadiora sartu dira hiriko erdigunean jai-egun paregabeaz gozatu ondoren. Kalejiran iritsi dira, Ertzaintzak lagunduta, inolako istilurik erregistratu gabe.

Goizean izan da Glasgoweko jarraitzaileen etorrera handiena eta beraz, gurean dira jada espero diren 4.000 zaleetatik gehienak. Bi taldeetako zaleek giro ona izan dute Bilboko kaleetan.

Europa Ligako finalaurrekoetarako txartela izango dute lehian gaur gauean San Mamesen Athleticek eta Rangersek, 21:00etatik aurrera. Ordura arte, bi taldeetako zaleak Bilbon barrena dabiltza, eguna aprobetxatzen.

Glasgowtik programatutako charter hegaldiak Loiuko aireportura iritsi dira, eta bertan, Rangerseko milaka zale partida ikustera eta "garagardo asko edatera" etorri dira.

Zaleen irudiak sare sozialetan zabaldu dira @footballdonorte kontuan. Agenteek zale bat identifikatzen zuten San Nikolas plazaren inguruan. Gainera, horietako berrogeita hamar inguru Areatza inguruan paseatzen ari diren unea ikus daiteke.

Final zortzirenetako kanporaketan ere gertatu zenez (orduan, Athleticek, San Mamesen, Erroma kanporatu zuen), Bizkaiko taldearen zaleak azken entrenamenduan izan dira, Valverderen gizonek Rangersen aurka jokatu aurretik. Jokalariek babesa eskertu dute.

Glasgow Rangers taldearen 400 jarraitzaile etorriko dira bihar Sorona Aretoak antolatutako festara. Festa eskoziar zaleentzat bakarrik izango da. Segurtasuna Ertzaintzarekin eta Erandioko udaltzaingoarekin koordinatuta egongo da, eta autobusak jarriko dituzte.

Gehientsuenak bihar iritsiko dira charter hegaldietan, baina goiztiarrenak  familian etorri dira egun batzuk giro onean igarotzeko asmoarekin.

Maroan Sannadi eta Ernesto Valverde Athleticeko jokalari eta entrenatzaileak hurrenez hurren, prentsaurrekoan hitz egin dute aprilaren 17ko Rangersen aurkako Europa Ligako final-laurdenetako itzuliko partidari buruz.

San Mameseko ateak irekita egongo dira 19:30etatik aurrera. Klubak estadiora behar besteko aurrerapenarekin joateko eskatzen die bertaratzen direnei, sarrera errazteko eta partidaren hasieraz lasaitasunez gozatzeko.

Ernesto Valverdek, Athleticeko entrenatzaileak, igandean San Mamesen Rayo Vallecanori irabaztea lortzen badute talde zuri-gorriaren "benetako helburutik, Europatik, oso gertu" egongo direla azpimarratu du.

Mikel Jauregizar Athleticeko jokalariak Europa Ligako final-laurdenetako joaneko partidan Rangersen aurka lortutako berdinketaz (0-0) hitz egin du.

Glasgow Rangersen kontra jokatuko du Athleticek gaur, Europa Ligako final-laurdenetako joanekoa. Han dauden zaleak primeran pasatzen ari dira, taldea animatzeko prest.

Jose Angel Iribarrek lore sorta bat utzi du Jon Uriarte presidentearekin batera John Greig Rangersekin aurkari izan zuen estatuan. Ibrox Stadiumeko ezbeharretan hildakoen omenez egin du lore eskaintza Athleticek.

Athleticek, ostegunean, Europa Ligan, final laurdenetan, Rangersen aurka jokatuko du, Ibrox Stadium futbol zelaian, joaneko partidan, Glasgown. Aitor Paredes atzelariaren iritziz, zuri-gorriek garaipena izan behar dute helburu, itzuliko neurketari begira.

Jose Angel 'Kuko' Ziganda Athleticeko jokalari eta entrenatzaile ohiak EITB Mediarekin hitz egin du zuri-gorriek Rangersen aurka apirilaren 10ean Glasgown jokatuko duen partidari buruz. Duela 18 urte Osasunako entrenatzailea zenean, Ibrox Stadiumen garaipena bereganatu zuen Osasunarekin.

Ertzaintzaren Brigada Mugikorreko hainbat furgoneta San Mamesera joan dira maiatzaren 21ean Katedralak hartuko duen Europa Leagueko finaleko segurtasun dispositiboa entseatzeko.

Raul Garcia jokalari ohiak EITB Mediarekin hitz egin du Athleticek Rangersen aurka jokatuko duen Europa Ligako final-laurdenetako kanporaketari buruz. Raulek gola sartu zion Glasgowko taldeari Osasunak Eskozian jokatu zuen neurketan, badaki zer nolako giroa bizi den han, eta horretaz mintzatu da.

Maiatzaren 21ean Europa Ligako finala jokatuko da San Mamesen. Hau da Bilbon jokatuko den final handia iragartzeko iragarkia, 'Bizi beharreko finala' kanpainaren barruan.

Maiatzaren 21ean Europa Ligako finala jokatuko da San Mamesen, eta ostiral goizean aurkezpen ekitaldia egin dute, "Bizi beharreko finala" lelopean. Athleticek hori du helburu: finala etxean jokatzea. Aurretik, baina, etxeko lanak egin beharko dituzte zuri-gorriek.

Bigarren urtez jarraian, Europako futbol lehiaketa bateko finala jokatuko da Bilbon. Iaz, emakumezkoen Txapeldunen Ligako finala San Mamesen jokatu zen, eta aurten, berriz, gizonezkoen Europa Ligako finalaren txanda izango da, maiatzaren 21ean.

EITB Mediak Julen Agirrezabala elkarrizketatu du, Lezaman. Athleticen atezainak taldeak orain arte egindako lanaz hitz egin du, berak zer sasoi duen kontatu digu, eta zuri-gorriek denboraldi amaierara arte dituzten helburuez mintzatu da.