Suteak

Ez da zauriturik izan, baina inguruko bizilagunak euren etxeetatik atera behar izan dituzte eta N-240 errepidea itxita egon da garbiketa lanak egin bitartean.

Seuldik 45 kilometro hegoaldera dagoen Hwaseong hirian izan da ezbeharra astelehen goizean. Suhiltzaileek adierazi dutenez "hogei gorpu" aurkitu dituzte sute larri batek kaltetutako bateria-fabrika baten barruan.

Turkian, gutxienez 14 hildako izan dira eta dozenaka zauritu. 45º-ko tenperaturak izaten ari dira Turkiako leku askotan, eta hori itzaltze lanak zailtzen ari da. Grezian 70 sute baino gehiago izan dira, gehienak, nahita piztutakoak.

Gutxienez hamar pertsona zauritu dira Irakeko Kurdistanen dagoen Ebil-Goer petrolio-findegian piztu den sutean. Bertaratu diren suhiltzaileek ez dute lortu oraindik sutea itzaltzea.

Autobusak matxura izan du BI-623 errepidean, Urkiolako igoeran. Ikasleak zeramatzan ibilgailuak su hartu du eta erabat kiskalita geratu da, baina ez da inor zauritu. Ondorioz, errepidea itxi behar izan dute.

Gogotik ari dira lanean Kaliforniako suhiltzaileak, hegazkinen laguntzarekin, larunbatean hasi zen eta igande honetan piztuta jarraitzen duen sute bati aurre egiteko. San Frantziskoko badiaren eta Kaliforniako erdigunearen arteko eremu batean piztu da sutea, agintariek adierazi dutenez.

30 pertsona atera behar izan dituzte Gasteizko jatetxe batetik, sukaldean sutea izan baita. 21:50 aldera piztu da sua Triana kaleko jatetxe batean, baina berehala hartu dute egoera kontrolpean suhiltzaileek, eta ez da inor zauritu. Suteak, baina, ke handia eragin du.

Sua 11:30ean piztu da, Arabako Legutio udalerriko Gojain industrialdeko enpresa batean. Suteak ke-hodei handia sortu du, eta inguruko biztanleei konfinatzea gomendatu diete.

Suhiltzaileak lanean ari dira hondakinak birziklatzen dituen Otua taldeko Reydesa enpresaren instalazioetan piztu den sutea itzaltzeko.

Emmanuel Macron presidenteak esan du bide onetik doazela obrak, eta aurreikusita zegoen bezala, abenduaren 8an irekiko dituela berriro ateak Notre Damek.

Sua 04:00ak aldera piztu da, Ugaoko Dorrea kalean aparkatutako auto batean izandako matxura mekaniko baten ondorioz. Guztira, bost ibilgailuri eragin die suak.

Sutea eraikineko laugarren solairuan piztu da, eta bosgarren solairuan harrapatuta geratu dira Ainhoa eta bere bi semeak. 15 urteko semeak familia osoa gela batera eraman du, ateak eta leihoak itxi ditu eta oihal bat jarri du atean. Azkar jokatzeari esker, salbatu egin dira.

Goizaldeko 01:20etan jaso dute abisua Donostiako Suhiltzaileek. Autoetako bi erabat kixkalita gelditu dira. Beste bik kalte larriak dituzte. Ertzaintza gertatutako ikertzen ari da.

Bermeoko Artike auzoko eraikin batean 08:15 aldera piztutako sutearen ondorioz, fatxadaren zati bat erori da eta bizilagun guztiak etxetik atera behar izan dituzte. Pertsona bat ospitalera eraman dute erredura arinekin.

Sugarrak oso azkar zabaldu dira, eta suhiltzaileek susmagarritzat jo dute sutearen jatorria. Alarmak jo eta 11 minutura heldu ziren, baina eraikinaren bi heren erreta zeuden ordurako.  

Goizaldean piztu da sua Buztintxuri auzoko etxe batean, eta barruan zeuden beste bi pertsona intoxikatu egin dira kea arnasteagatik.

Suteak ke laino handia eragin du, baina ez da inor zauritu, eta ez dute inor etxetik atera behar izan. Euskadiko Suhiltzaileek bart grabatutako irudiak.

Bilboko suhiltzaileek Zorrotza auzoko enpresa kimiko batera joan behar izan dute sutea kontrolatzeko. Horren ondorioz, ke-laino bat sortu da inguruan. Bizilagunek 112 telefonora deitu dute, larrituta. (@saderprokanpora-k zabaldutako bideoa)

Hala egin dute Legardan, Nafarroan. 'Behi suhiltzaileak' jarri dituzte mendian, Eskoziako Galoway arrazakoak. Ahuntzek bezala, era guztietako adaxka, sasi, belar eta enbor azalak jaten dituzte; ez, ordea, ernatu berri diren arbolak. Hala, sasia garbitzeaz gain, basoa biziberritzea ahalbidetzen dute.

Sua 21:40an piztu da Jose Luis Isusi kalean eta Gasteizko Suhiltzaileak, Udaltzaingoa eta Ertzaintza bertaratu dira, sua itzali eta inguruan segurtasuna bermatzera. Zorionez, kalte materialez aparte, ez da inongo kalte pertsonalik izan. 

Berlingo suhiltzaileek dispositibo zabala jarri dute martxan Diehl erraldoi teknologikoak Berlinen duen fabrika metalurgikoan piztutako suteari aurre egiteko.

Hiru pertsona ospitalera eraman behar izan dituzte Erandion, Lutxanako eraikin abandonatu batek su hartu ostean. Suhiltzaileak dagoeneko lanean ari dira sua itzaltzeko.