SOS Deiak

EAEko Larrialdiak Koordinatzeko Zentroak bi bide ditu herritarrei abisatzeko mezuak bidaltzeko: SOS Deiak aplikazioa, aplikazioa instalatuta dutenek bakarrik jasoko dute kasu honetan abisua, eta ES-Alert, telefono adimendun guztietara mezuak bidaltzeko aukera ematen duena.

Iaz 40 animalia agertu ziren euskal itsasertzean, horietatik 28 zetazeoak. Ikastaroan udaltzainek, sorosleek, surflariek… parte hartu dute. Garrantzitsuena 112 telefonora deitzea dela azaldu dute.

Eusko Jaurlaritzak hamahiru pertsonari eman dizkie merezimenduaren dominak larunbat honetan, larrialdi-egoeretan egindako ekintza ausart eta solidarioengatik, eta Babes Zibileko eta SOS Deietako langileak ere aintzatetsi ditu, zerbitzu horrek 242.605 gorabehera kudeatu baitzituen 2023an Euskadin.

Larrialdiei Aurre Egiteko eta Meteorologiako zuzendariaren hitzetan, datozen orduetan haizea indartu egingo da berriro, baina ez da espero bart bezain gogor joko duenik. Hala ere, arretaz ibiltzeko deia egin die herritarrei.

Euskadiko enpresa kimikoen AVEQ-KIMIKA elkarteko idazkari orokorrak, Luis Blanco Urgoitik, emergentzia kimikoa ze egoeratan sortuko den azaldu digu. Herritarrei eragiten dien segurtasun planei buruz aritu da.

Euskadiko Laguntza Txakurren Taldeko txakurrekin eta boluntario profesionalekin izan dira Maider eta Irune. Krisok, Kloek, Hookek, Javik, Anek, Josek eta beste boluntarioek 24 orduko guardiak egiten dituzte musutruk. Entrenamendu bat nolakoa den ikusi dugu eta egin dituzten erreskateez aritu dira.

112 telefonoak, batez beste, 10 suizidio saiakera dei jasotzen ditu egunean eta 2021az geroztik taktika bera erabiltzen dute dei horiei behar bezala erantzuteko.

Hasiera batean 088 telefonoa zena, aspalditik 112 telefono ezaguna da. Iaz, 700.000 dei baino gehiago jaso zituen. Gaur Jaurlaritzak zerbitzu honetan jardun duten denak omendu ditu.

Asteazken arratsaldean, hiru gaztek 112 telefonora deitu zuten arazoak zituztela jakitera emateko. Ondoren, talde bereko beste gazte batzuek Gaztela eta Leongo larrialdi-zentrora deitu zuten. Denak galduta zeuden eta ezin zuten jaitsi, baina ez zeuden denak elkarrekin.

Eusko Jaurlaritzak ES-Alert sistema probatu du gaur goizean Txurdinaga, Begoña eta inguruko auzoetan, larrialdi handiko kasuetarako abisuak emateko.

Txistua joko du telefono mugikor batzuetan, eta jakinaraziko du babes zibileko alerta-sistemaren proba-mezu bat dela, telefonia mugikorreko sareen bidez, eta ez dela ezer berezirik egin behar.

SOS Deiak-eko (112) eta Trafikoko (011) langileek 2.000 sinadura inguru entregatu dituzte Jaurlaritzaren egoitzan, Bilbon, lan-prekarietatearen amaiera eskatzeko.