Sanferminak
Sanferminetarako kendu zituzten eta, jaiak bukatuta, Santo Domingoko ukuiluetara itzuli dira, baina norabidea galduta. Izan ere, kontrako zentzuan jarri dituzte, nahita ala nahigabe, eta Arga ibaira begiratzen dute orain. Ur freskoetan bainua hartzeko irrikitan egongo ote dira zezenak?
Sanferminetako balorazioa egin du Joseba Asiron Iruñeko alkateak. Sexu-erasoei dagokionez, aurtengo jaietan 24 salaketa izan dira, eta ustezko erasotzaileetako 23 atxilotu dituzte. Asironen hitzetan, genero-indarkeria "gizarte osoari dagokion arazo bat da".
Nahiz eta ofizialki sanferminak "Gaixoa ni" abestuta amaitu diren, ehunka lagunek Villavesaren entzierroa korritu dute gaur goizean Miguel Indurain partikular baten aurrean.
Mila pertsona bildu dira bart Iruñeko Udalaren atarian, ohiturari eutsita, "Gaixoa ni" abestiarekin sanferminei agur esateko.
Jokin Altunak eta Julen Martijak irabazi dute San Fermin Torneoko finala, Jon Ander Peña eta Jon Mariezkurrena mendean hartuta. Alabaina, bukaeran polemika izan da: 21 eta 19 zihoazenean, epaileak atxiki adierazi dio Mariezkurrenari, eta horrela amaitu da partida. Haserre handia piztu du erabakiak.
Peña II-Mariezkurrena II bikoteak San Fermin Torneoko finala galdu du Altuna III.aren eta Martijaren aurka (22-19). Partida 21-19 zihoanean, epaileak atxikia adierazi dio Mariezkurrenari; ondorioz, erabakiak garaipena eman die aurkariei eta Berriozarrekoa haserre bizian ikusi dugu.
Zortzigarrenaren ondoren, hiria omendu eta hiri osorako dantza egin du Erraldoi eta Buruhandien Konpartsak. Haurren pare jarrita eta euren maitasuna jasoz bukatu dute ekitaldia.
Ismaelek 15 urte daramatza Iruñeko kiliki maitatuenaren, Caravinagreren, arima izaten. Gaur izango da erraldoiekin batera aterako duen azken aldia, hurrengoei lekua utzi aurretik.
Aurtengo azken entzierroa amaitu bezain laster, langileak ibilbidean dauden 900 zutoinak, 2.700 oholak eta 2.500 egurrezko falkak kentzen hasi dira. Hermanos Aldaz aroztegia hesi bikoitz horretaz arduratzen da, ibilbide osoan zehar herritarren segurtasuna bermatzeko asmoz.
Alkateak esan du salatutako sexu eraso guztien egileak atxilotu dituztela, eta horrek agerian uzten duela Iruñean "egiten duenak ordaintzen duela".
ETB1ek eta eitb.eus atariak zuzenean eskainiko dute gaur San Fermin Torneoko binakako finalean. Elkarren kontra arituko dira Altuna III-Martija eta Peña II-Mariezkurrena II bikoteak, 18:30etik aurrera.
Anabel Arraiza, Iñaki Ainciburu, Albina Stardust eta Iñigo Ziganda izan dira Iruñeko kaleetan erreportari. Badira langile saiatuak eta finak, hala ere, 'momentiko' putzak izan dituzte, eta Iban Garatek erakutsi dizkigu aurtengo sanferminak agurtzearren. Ez galdu!
Sanferminetan nazioarteko pertsonak batzen dira, eta hizkuntza oparoak entzun daitezke. Baina euskara zelan daramate? Albina Stardust Iruñeko kaleetan ibili da atzerritarren euskara-maila neurtzen, eta aldi berean, aho-korapiloak irakasten. Zein herrialdek ahoskatzen du hobeto euskaraz? Ikusi!
Miura ganadutegi ospetsuak eman die amaiera igande honetan 2024ko sanferminetako entzierroei, lasterketa arriskutsu eta zirraragarri batean.
Bi minutu eta 22 segundukoa izan da entzierroa, iaz baino 12 segundo motelago. Miura zezen handiek 2024ko sanferminetako entzierroak itxi dituzte.
Aizane Ibarrolak eta Enara Gamindek irabazi dute Emakume Master Cupeko San Fermin Torneoko txapela. Labriten jokatutako finalean 22-9 gailendu zaizkie Amaia Aldai eta Uxue Osesi.
Ehunka pertsona bildu dira ostiral honetan Iruñeko Gaztelu Plazan, sanferminetan izandako eraso sexistak gaitzesteko. Gainera, emakumeen "eskubideen urraketa" salatu dute eta erasoen aurrean herritarrek emandako erantzuna txalotu dute.
Iruñeko katedraleko ezkilen bitartez ongi etorria ematen zaie sanferminei. Hain zuzen, jaietan uztailaren 6an eta 7an jotzen dira. Anabel Arraiza katedralera igo da kanpaijoleen lana kuxkuxeatzera.
Zezenen erakusleiho dira entzierroak, eta bertan, bakoitzaren adarren ezaugarriak eta berezitasuna igarri ahal ditugu. Adibidez, Cadizko Fuente Ymbro ganadutegiko zezen batek zulotxoa zuen adarrean. Zergatik jazotzen da? Asier Alvite albaitariak erantzuna eman digu.
Escolarren zezenen entzierroa azkarra eta jendetsua izan da, aurtengo arriskutsuenetakoa, eta eroriko eta kolpe ugari ikusi dira.
Miura, Vitorino, Jandilla ala Cebada Gago? Zein ganadutegirekin lotuko zenituzke Lau t'erdiko San Fermin torneoko finalistak, Altuna eta Peña hain justu. Anabel Arraiza kalean izan da galdetzen.
San Fermin santua Santo Domingoko aldapan dagoen horma-hobira eramaten du goizero Goizargik, korrikalariek, ohi bezala, entzierroaren aurretik kanta diezaioten. Gero, bere etxeko saloian gordetzen du, hurrengo egunean berriz eramateko. 1978. urtetik eusten diote tradizio horri.
Jokin Altunak eta Julen Martijak binakako San Fermin Torneoko finala jokatuko dute igandean, Peio Etxeberria eta Jose Javier Zabaletari gailendu ondoren, partida gogor eta bikain batean.
Azkarra eta bizia izan da Sanferminetako seigarren entzierroa. Protagonistak, Jandilla ganadutegiko zezenak. Euren famari eutsita, azkar eta bizi egin dute bidea. Arrisku uneak ere utzi dituzte.
Iruñeko 16 peñen gaurko kalejira berezia izan da. Palestina askea aldarrikatu dute eta Gazaren kontrako sarraskiari amaiera jartzea.
Speed 24 milioi jarraitzaile ditu eta zuzeneko emanaldiengatik da ezaguna, mundu osoko hainbat lekutan egiten baititu edukiak. Ustekabean agertu da sanferminetan, baina Foruzaingoak zezen-plazatik atera behar izan du, jende-oldea zela eta.
Estafetako balkoiak bete egiten dira zezenak nolaigarotzen diren ikusteko, baita karrika honetako tabernen ateak ere. Azkenaldian indarra hartu du aukera honek. Gainera, hamaiketakoa ere eskaintzen dute. Bodegón Sarriako Julian eta Gorka han izaten dira, adibidez, goizeko 05:45etik aurrera.
Zer gertatu da gaur Nafarroako hiriburuan?
Bizkaiko, Gipuzkoako, Arabako, Iparraldeko eta Nafarroako jai herrikoien albisteak eta bideoak eitb.eus-en
Sanferminak
Erredakzioa | EiTB.EUS
Lehen aldiz entzierroan parte hartuko duzu? Iaz egin zenuen baina gainerako korrikalariek gaizki begiratu zizuten? Jarrai itzazu aholku hauek, zuhurtziagabekeriak prebenitzeko.
Erlazionatutako edukiak:
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.