Remco Evenepoel

Tadek Pogacar jaun eta jabe izan da Frantziako Tourrean. Guztira, sei etapa bereganatu ditu, eta azkeneko erlojupekoan ere aise gailendu da. Jonas Vingegaardek eta Remco Evenepoelek osatu dute podiuma, eta Mikel Landak bosgarren amaitu du sailkapen nagusian.

Tadej Pogacar (UAE), Jonas Vingegaard (Visma) eta Remco Evenepoel (Soudal) izan dira 2024ko Frantziako Tourreko hiru txirrindulari onenak. Batera igo dira podiumera azken etapa lehiatu ondoren.

Tadej Pogacarrek irabazi du Nizan Frantziako Tourrari amaiera eman dion erlojupekoa, eta, horrenbestez, bere seigarren garaipena lortu du aurtengo edizioan. Jonas Vingegaard izan da bigarrena eta Remco Evenepoel hirugarrena. Mikel Landak zazpigarren tokian amaitu du erlojupekoa.

20. etapa amaituta, Mikel Landak adierazi du talde-lana egin dutela Remco Evenepoeli laguntzeko eta Jonas Vingegaard atzean uzteko, baina ezinezkoa izan zaiela helburua lortzea.

Tadej Pogacar, Jonas Vingegaard, Remco Evenepoel, Richard Carapaz, Joao Almeida, Mikel Landa... Frantziako Tourreko izar nagusiek ikuskizuna eman dute 20. etapako azken kilometroetan.

Nork bere ahalmenaren eta helburuaren arabera entrenatzen badu ere, txirrindulari profesional guztien entrenamenduek oinarri bera dute, eta lehen pausoa ordubetean landu dezaketen potentzia maximoa zein den zehaztea izaten da. Hona hemen Xabier Usabiagaren azalpena.

EF Education taldeko ekuadortarrak bere ibilbidean aurrenekoz irabazi du Frantziako Tourrean; sailkapen nagusian, Evenepoelek segundo batzuk jan dizkio Vingegaardi.

Txirrindulari esloveniarrak beste behin egin du aurrera, Tourreko 17. etapan. Helmugara iristeko 5 kilometroren faltan, Evenepoel eta Vingegaardengandik aldendu da, ihesaldi ikusgarria emanez.

EF Educationeko txirrindulari ekuadortarra izan da helmugaraino iritsi den ihesaldiko onena; atzetik, sailkapen nagusiko aurrenekoen arteko lehian, Soudaleko belgikarrak erakutsi du indartsu heldu dela Tourreko azken etapetara.

Frantziako Tourreko 14. etapako azken kilometroetan hainbat eraso egon dira. Ihesean joan direnen artean Oier Lazkano egon da, baina zazpi kilometroren faltan harrapatu du tropelak. Azken lehia Pogacar, Vingegaard eta Evenepoelen artekoa izan da, eta esloveniarra nagusitu da.

Sailkapen nagusiko liderrak 1. mailako mendateko gainerako 600 metro geratzen zirela jo du aurrera, Frantziako Tourreko 11. etapan. Vingegaard, Roglic eta Evenepoel atzean utzi ditu.

Jasper Philipsen belgikarra izan da 2024ko Frantziako Tourreko hamargarren etapako esprintean azkarrena. Sailkapen orokorrean ordea, ez da aldaketa esanguratsurik izan.

Frantziako Tourreko 9. etapa ikusgarria izan da. Hainbat 'sterrato' zati izan ditu, eta txirrindulariek ikuskizun bikaina eman dute. Tadej Pogacar liderra, Remco Evenepoel (sailkapen nagusiko bigarrena) eta Jonas Vingegaard (hirugarrena) nor baino nor gehiago ibili dira.

Biniam Girmayk bigarren garaipena lortu du larunbat honetan Frantziako Tourrean, Jasper Philipsen belgikarra esprint itxi batean menderatuta. Tadej Pogacar esloveniarrak arazorik gabe eutsi dio sailkapen nagusiko lidergoari.