Presoak

Sare plataformak X. Batzarra egin du larunbat honetan Hernanin, eta Eusko Jaurlaritzari zuzendu zaio esanez "haien esku dagoen hirugarren graduaren, espetxe baimenen edo irteera programatuen aplikazioan aurrera egitea".

1798ko gerra-lege horrek migratzaile irregularrak azkar deportatzea ahalbidetzen du, erakunde terroristetako kide direlakoan. II. Mundu Gerraz geroztik ez zen araudi hori erabiltzen.

Zabalo Zaballako espetxera itzuli beharko da, Auzitegi Nazionaleko Fiskaltzak otsailaren 21ean emandako hirugarren graduaren aurkako errekurtsoa aurkeztu ondoren, Zaballako Espetxeko Tratamendu Batzordeak hartutako erabakiaren aurka.

Su-etena hasi zenetik egin den trukerik handiena izan da

Kartzelen eta biktima guztien arazoari "bidezko irtenbide bat" ematea aldarrikatu zuen Sarek atzo Bilbon izandako manifestazio jendetsuan.

Sare herritar sareak manifestazioa egin du arratsaldean Bilbon, euskal gatazkaren behin betiko konponbidea eskatzeko, "Behin betiko. Bakea. Ebazpena. Bizikidetza" lelopean. "Konponbidea da bizikidetzaren oinarria. Soilik horrek gerturatuko gaitu bake justu batera", esan du Bego Atxa bozeramaileak.

HTX Rock jaialdiaren azken-aurreko edizioa egiten ari dira Atarrabian, uztailean Lakuntzan betiko amaitu aurretik. Duela 26 urte jaio zen, preso, errefuxiatu eta horien senideei diruz laguntzeko. Sakabanaketa amaituta, antolatzaileek agur esateko unea iritsi dela erabaki dute.

Jaurlaritzak espetxeetako kultura emanaldietako baldintzak zorroztea erabaki du, Fermin Muguruzak larunbatean Martutenen eman zuen kontzertuan 'Sarri, Sarri' abestu ondoren. Abeslari irundarrak onartu du erabakia "sorpresa eta desilusio handia" dela.

Elkarretaratzea egin du Legebiltzarraren kanpoaldean, eta EH Bilduko legebiltzarkideak batu zaizkio, tartean Pello Otxandiano, "aurrera egiteko sufrimendu guztien aitortza" eskatu duena.

Javier de Andresek Eneko Andueza eta PSOEri leporatu die ETAko presoei damutu gabe eta kolaboratu gabe irteten uztea, 'zigorraren bi heren bakarrik beteta'.

Maria Ubarretxena Eusko Jaurlaritzako bozeramaileak azpimarratu du Senatuak atzeratutako erreforma Europako zuzentarau baten transposizioa dela, eta "hala onartzen" duela Gobernuak ere.

Joseba Asiron Iruñeko alkatearentzat Europan betetako zigorrak aintzat hartzeko lege erreforma honek ez du loturarik bestelako negoziaketaren batekin. Europako legeetara egokitzea beharrezkoa zela adierazi du.

Sarek eta Bilboko Konpartsek deitutako manifestazioa 13:00ak aldera abiatu da, Moyua plazatik, eta udaletxe aurrean amaitu da. Salbuespen neurriekin amaitzeko deia berretsi eta legeria arrunta aplikatzea eskatu dute. 

Legealdi honetan, PSE-ren esku egongo da kartzelen ardura eta Sare plataformak Justizia sailari eskatu dio euskal eredu propioan aurrera pausoak emateko, eta ETA-ko presoei lege arruntak aplikatzeko. ETA desagertu bazen ere, oraindik ere, salbuespenezko neurriak jasaten dituztela salatu du Sarek.