Pello Otxandiano

Pello Otxandiano EH Bilduk Eusko Legebiltzarrean duen eledunak esan du Bizkaiko Aldundiak "lehen aldiz" aurrekontuak EH Bildurekin negoziatzeko "borondate erreala" izan duela, "Eusko Jaurlaritzak izan ez duena".

Etxebizitza politika aldatzea eta lanbide arteko gutxieneko soldata propioa ezartzeko akordio politikoa jarri ditu erdigunean Pello Otxandiano EH Bilduren Legebiltzarreko eledunak. Gaur dute bigarren bilera Eusko Jaurlaritzarekin, datorren urteko kontuak negoziatzeko. Diskrezioa eskatu du.

Pello Otxandiano EH Bilduren bozeramaileak azaldu du "sakon" aztertuko dutela Jaurlaritzak aurrekontuen harira egindako proposamena. Halaber, argitu du koalizioak fiskalitatea negoziaziotik ateratzea planteatu duela, horren inguruko "goi mailako eztabaida bat egitearen truke".

Eusko Jaurlaritzaren 2025ko aurrekonturako EH Bilduk egindako proposamenean garrantzi berezia du etxebizitzaren alorrak. Hala, datorren urtean EAEn liberalizatuko diren babes ofizialeko 2.500 etxebizitzak Jaurlaritzak erostea proposatu du koalizioak, Petxo Otxandiano EH Bilduko kideak azaldu duenez.

Elkarretaratzea egin du Legebiltzarraren kanpoaldean, eta EH Bilduko legebiltzarkideak batu zaizkio, tartean Pello Otxandiano, "aurrera egiteko sufrimendu guztien aitortza" eskatu duena.

Imanol Pradales lehendakariak "koherentzia" eskatu dio EH Bilduri, uste baitu koalizioak fiskalitatea negoziatzea eskaintzen duela baina gero Sortuk Kubako Alderdi Komunistarekin akordioak sinatzen dituela.

Pello Otxandianok aurkeztutako ekimenak etxebizitza, gutxieneko soldata, zaintza eta trantsizio ekosoziala jarri ditu erdigunean, "orain arte herritarren beharrei erantzun egokirik eman ez dieten politika publikoen norabidea zuzentzeko".

Etxebizitzari buruz ere mintzatu da Lander Martinez Sumarreko idazkari nagusia, ETB1eko Egun On albistegian egindako elkarrizketan, eta "araututako merkatuaren" alde egiten dutela azpimarratu du. Gainera, prezioei eusteko ardura PSOErena eta Jaurlaritzarena dela gogorarazi du.

Pello Otxandianok adierazi duenez, Pradalesek euskal jarduera politikoan eredugarritasuna bermatzeko proposatutako kode etikoaren "ahuldade handienetako bat" da "eragileen eta jendearen borondatearen esku" uzten duela hori betetzea. "Nork arbitratzen du hau?" galdetu du Otxandianok.

"Gestio publikoan ejenplariedadeaz" hitz egin behar bada, "lagunkeriaren" arazoa mahai gainean jarri behar dela adierazi du EH Bilduk Legebiltzarrean duen bozeramaileak.

Imanol Pradales lehendakariak adierazi duenez, EH Bilduk erabaki behar du "oposizio eraikitzaile baten parte izan nahi duen" edo "oposiziotik lan erabat suntsitzailea egin nahi duen".

EH Bilduko bozeramaileak adierazi duenez, Pradales lehendakariarekin egindako bilera "oso ondo" joan da. "Herri honi bultzada berri bat emateko aukera marrazten da", adierazi du Otxandianok. Osakidetza eta estatus politiko berria izan dituzte, besteak beste, mintzagai Pradalesek eta Otxandianok.

Osakidetzaren egoeraz gain, autogobernua eta Estatuarekiko harremana izango dira, ziurrenik, Pradales lehendakariaren eta Pello Otxandiano EH Bilduko bozeramailearen arteko bileraren gai nagusiak.

Pello Otxandianok, EH Bilduren lehendakarigaiak, herri honen kargu egiteko unea dio, horretarako bizi dugun egoeraren azterketa baten beharra azpimarratuz. Gainera, gainerako alderdiekin elkarlanean aritzeko prestutasuna ere erakutsi du.

Txalo artean, Urkullu lehendakaria izan da Pradales zoriontzen lehena. Besarkada sentitua, belaunaldien arteko erreleboa sinbolizatzen duena. Ondoren, Pradalesek PSEko buruaren eta oposizioko buru Pello Otxandianoren zorionak jaso ditu.

Pello Otxandianok eskua luzatu dio Imanol Pradalesi herri akordioak lortzeko, "elkar ulertzera behartuta gaude". Hala ere, Pradalesek erantzun dio ez dela fio «bere ikuspegiaz, bere betiko adanismoaz, Legebiltzarrari hamarkadetan izan dioten mespretxuaz».

EAJk Eusko Legebiltzarrean duen bozeramaileak azpimarratu duenez, jeltzaleek eta sozialistek "ezberdinen arteko" akordioa lortu dute; hobetzen, aurrera egiten eta eraikitzen lagunduko duten elkargune berriak bilatzeko.

Gaur egungo markoa oso higatuta dagoela defendatu du eta aldatzeko momentua orain dela argi utzi nahi izan du. Horretarako EH Bilduren eskua luzatu du.

"Gure eginbeharra da elementu komunak etengabe bilatzen ahalegintzea, herri proiektu partekatu baterako oinarri sendo bat eraikitzeko", adierazi du Pello Otxandianok.

Aurreko legegintzaldian Jaurlaritzak politika neoliberalak martxan jarri dituela adierazi du EH Bilduko hautagaiak eta herrigintzaren inguruko hainbat galdera planteatu ditu: nolako EITB edo unibertsitatea nahi ditugun buruz adibidez.

Andoni Ortuzarrekin eta gainerako legebiltzarkide jeltzaleekin batera etorri da Imanol Pradales. Pello Otxandiano, berriz, Nerea Kortajarenarekin batera sartu da.