Mendi lasterketak 2024

Malen Osa oñatiarrak azken urtean profesional gisa emandako jauzia azpimarratu du. Udako erronkei begira, neguan prestakuntzarekin jarraituko du.

Arantxa Larrañaga gonbidatu dugu Josebaren sukaldera. Azpeitiako Lagun Onak Mendi taldearen presidentea da, eta aurten egingo den Domusa Teknik 40 MKL lasterketaren inguruko xehetasunak azaldu dizkigu.

Gontzal Murgoitio mendi-lasterkaria eduki du Josebak sukaldean. Mundu mailako lasterketetan ibili da elorriarra eta bere ibilbideaz gain, denboraldian zehar zer jaten duen azaldu du.

Gizonezkoetan, Luca Del Pero italiarra nagusitu da, Manuel Merillas eta Lorenzo Rotaren aurretik. Emakumezkoetan, Daniela Oemus joan da hasieratik lasterketaren buruan, baina azken kilometroan Julia Fontek harrapatu du, eta horrek irabazi du. Onditz Iturbe arratiarrak hirugarren postuan amaitu du.

Hamaikagarren ekitaldia du Gorbeia Suzien mendi-lasterketak, eta aurtengoa ere Skyrunning World Series zirkuituko proba puntuagarria izango da. Gorbeia Suzien mendi-lasterketa zuzenean jarraitu ahal izango da ETB1en eta eitb.eus-en, 08:45etik aurrera.

Larunbat goizean, 8:45etik aurrera, Gorbeia Suzien mendi lasterketa zuzenean jarraitzeko aukera egongo da. Ostegun honetan egin dute aurkezpena, eta maila handiko korrikalariek parte hartzea espero da.

Duela bi urte, Iñigo Uriarte korrikalariak iktus bat izan zuen, eta gaixotasuna gainditu zuen. Lasterkaria izateak sendatze prozesuan lagundu diola aitortu du, eta igande honetan Gorbeia Suzien lasterketan parte hartuko du.

"Alpine Connection" izeneko egitasmoan, Jornetek 16 etapa egin ditu, 1.207 kilometro; desnibel metatua 75.344 metrokoa izan da. Suitzan, Frantzian eta Italian ibili da, eta gain mitikoak igo ditu erronka honetan.

Beste behin irudi ikusgarriak utzi dizkigu lasterketak. Frantziarrak 19 ordu 54 minutu eta 23 segundo behar izan ditu 171 kilometro eta 10.000 metroko desnibel positiboa dituen lasterketa bukatzeko.

Larunbat honetan, abuztuak 31, UTMB Mont-Blanc mendi lasterketa lehiatuko da. EITBk zuzenean eskainiko du lasterketa, eitb.eus-en eta ETB4n.

Fidel Fernandez kantabriarra eta Chelo Velasco asturiarra izan ziren onenak pasa den uztailaren 12tik 14ra jokatu zen Ehunmilak ultratrailaren 13. ekitaldian. 171 kilometro dituen lasterketa gogor bezain ederra da. Helmugara iristea bada nahikoa garaipen lasterketa honetan. 

Joan den asteburuan Ehunmilak mendi-lasterketa jokatu zuten, eta gogorra izan arren, ibilbideak eskaintzen dituen bista pribilejiatuak nabarmendu dituzte hainbat parte hartzailek.

Fidel Fernandez Varelak irabazi du Ehunmilak mendi lasterketa, gizonezkoen mailan. 23 ordu, 26 minutu eta 7 segundo behar izan ditu 171 kilometroko ibilbidea egiteko. Igon Mancisidor Arruti izan da bigarrena eta David Calero Rodriguez hirugarrena.

Eskuderok txapela lortu du 90 kilometroak 10 ordu eta 1 minutuan eginda. Mayi Mujikak, berriz, 12 orduan heldu da helmugara, errekor berria ezarriz. Ehunmilak proban, aldiz, Fidel Fernandez doa lasterketa buru.

Ekainaren 16an jokatutako lasterketan, 270 parte-hartzaile izan ziren. Bederatzigarren aldiz egin dute Tolosaldeko 3 Tontorrak maratoia.

Malen Osa mendi korrikalariak, lehen aldiz Zegama-Aizkorri lasterketan parte hartu du eta bigarren postua eskuratu du. Gainera, Golden Trail Serieseko liderra da. Saioan korrikalariak bere ibilbideari buruz hitz egin du.

Ordiziarra Skyrunner World Series zirkuituko lidertzan da eta hori da aurtengo bere helburu nagusia. Bere lehen Zegama-Aizkorrin ere bosgarren postua lortu zuen, eta, larunbatean, ekainaren 15ean, Madeiran Euskal Selekzioarekin egongo da.

Ekainaren 1ean jokatu zen Leitzan Euskal Herria Mendi Erronkaren 10. ekitaldia. 67 kilometroko lasterketa da, eta aurten, gainera, Euskal Herriko Ultra Txapelketa ere izan da. Ander Iñarra eta Mayi Mujika gipuzkoarrak izan dira garaile, eta marka egin dute biek.

Mayi Mujika eta Ander Iñarra nagusitu dira larunbat honetan Leitzan jokatu den Euskal Herria Mendi Erronka lasterketan, eta biek ala biek marka ezarri dute.

Igandean, Zegama-Aizkorri mendi lasterketan aurrenekoz leihatu zen, eta bigarren postu ederra lortu zuen oñatiarrak; EITB harekin izan da, eta berak adierazi digu nola dabilen balentria hori erdietsita.

Inoizko Zegama-Aizkorri jendetsu eta arrakastatsuenetako bat izan zen igandean, maiatzaren 26an. Milaka pertsona gerturatu zen mendiko lasterketaz gozatzeko eta, lasterkarien artean, Kilian Jornet nagusitu zen, 11. aldiz proba honetan. Malen Osa oñatiarra bigarren postuan helmugaratu zen.

Korrikalariak harri, belar eta lokatz artean gora eta behera, eta ikusleek ere izan dute zereginik: goiz esnatzea aurrena, eta Aizkorri edo Sancti Spiritura igotzea hurrena.

Kilian Jornet bere marka hobetzear izan da, baina gutxigatik ez du lortu. Osak, aldiz, lasterketa bikaina egin du, eta bigarren izan da helmugan, Nordskar norvegiarraren atzetik.

Malen Osa oñatiarrak bigarren egin du 2024. urteko Zegama-Aizkorri mendi lasterketan.

Kilian Jornet 2024ko Zegama-Aizkorri mendi maratoiko irabazleak EITB Mediarekin hitz egin du lasterketa bukatu ostean. Egindako lanarekin pozik azaldu da. (adierazpenak gaztelaniaz)

Naiara Irigoien nagusitu da 2024ko Zegama-Aizkorriko kilometro bertikalean, emakumezkoen mailan. Gizonezkoenean, aldiz, Omi Ryunosuke izan da irabazlea. 250 lasterkeari lehiatu dira.

Maiatzaren 12an Kanpezu-Joar mendi lasterketa jokatu zen, eta Euskadiko txapelak izan ziren jokoan. 26,5 kilometroko ibilbidean azken txanpa bikaina eginda Ander Iñarra lezoarra nagusitu zen gizonezkoetan. Emakumezkoetan, berriz, sekulako erakustaldia eman zuen Ainara Urrutiak.

Zegama-Aizkorri lasterketa maiatzaren 26an jokatuko da, eta, besteak beste, han izango dira Kilian Jornet -berak dauka lasterketako markarik onena- eta Manuel Merillas eta Daniela Oemus iazko garaileak.

Gemma Arenas eta Miguel Heras korrikalariek irabazi zuten aurtengo Domusa Teknik mendi-lasterketa, Azpeitia, Errezil, Bidania-Goiatz eta Beizama arteko ibilbidean. Mayi Mugikak eta Oihana Azkorbebeitiak osatu zuten nesken podiuma; gizonezkoena, berriz, Alvaro Ramosek eta Goar Lopetegik.

Javi Dominguez mendi korrikalaria elkarrizketatu dugu "Helmuga" saioan. Lana, kirola eta familia uztartzeak zer dakarren kontatu digu, baita mendian zer sentitzen duen ere.

Javi Dominguez mendi korrikalari gasteiztarra izango da igande honetako protagonista ETB1eko "Helmuga" saioan. Mendian korrika egiteak zer ematen dion kontatuko du, besteak beste.

Azaroan ospatuko da Mariren Kobak Trail lasterketa. 90 km inguruko lasterketan, kobak topatu behar dituzte parte hartzaileek, baina ibilbidea markatu gabe dago. Orientazio mapak eskaintzen dizkiete, eta 15 minutu dituzte mapok interpretatzeko. Bidean, pertsonaia mitologikoekin egingo dute topo.

Gontzal Murgoitio mendi korrikalariak aitortu du 2023. urtea zaila izan dela berarentza; baina, aldi berean, azpimarratu du orain mentalki hobeto dagoela, eta aurten berriro saiatuko dela entrenamenduez gozatzen eta lehiaketetan bere mailarik onena ematen.